Dominimi i Bayern Munich në futbollin gjerman u pa edhe të shtunën, me ekipin e Vincent Kompany që fitoi 2-3 me përmbysje kundër Dortmundit në shtëpinë e këtyre të fundit. E njohur si 'Der Klassiker', sfida dhuroi emocione, pesë gola dhe përmbysje, për emocionet që zgjatën deri në sekondat e fundit.

Të parët në epërsi kaluan vendasit e Dortmundit me Nico Schlotterbeck pas 26 minutave lojë. Pjesa e parë e sfidës u mbyll me avantazhin e verdhezinjve, ndërsa në fraksionin e dytë ishte Harry Kane që përmbysi shifrat për Bayern Munich në minutat 54 dhe 70-të (11 metërsh).

Dortmundi nuk u dorëzua dhe ia doli të vendoste ekuilibrin momental në minutën e 83-të, kjo pasi Daniel Svensson përfitoi nga pasimi i Sabitzer dhe barazoi për 2-2.

Emocionet e duelit nuk ishin mbyllur aty pasi vetëm tre minuta para fundit të ndeshjes Bayern Munich shënoi edhe golin e tretë dhe të fitores me autor Joshua Kimmich.

Me 63 pikë Bayern Munich mban kreun e renditjes dhe shkëputet me 11 pikë nga Dortmundi ndjekës. Për verdhezinjtë kjo ishte humbja e radhës pas eliminimit në mesjavë nga Atalanta në Champions League.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera