LONDËR - Në prag të nisjes së sezoneve të reja në kampionatet elitare, klubet po zhvillojnë përgatitjet e fundit. Në "Stamford Bridge", Chelsea që është fitues i Kupës së Botës për Klube, mposhti Milanin 4-1 në një miqësore luksi.

Kuqezinjtë e Allegrit nuk ishin të plotë në organikë, pasi vetëm 24 orë më parë kishin zhvilluar një tjetër test miqësor, barazuar 1-1 kundër Leeds United. Sfida nisi 'malore' për italianët, që panë sesi i riu Coubis shënoi në portën e vet pas pesë minutave lojë. Më pas Joao Pedro shënoi golin e dytë për Chelsea. Për t'i vendosur 'kapakun' një dite të tmerrshme, Coubis u ndëshkua me karton të kuq në minutën e 18-të.

Në pjesën e dytë Delap shënoi golin e tretë për Chelsea (penallti), para se Youssouf Fofana të shkurtonte për 3-1 në minutën e 70-të. Në minutën e fundit sërish Delap shënoi golin e katërt për Chelsea.

Në këtë takim për Milanin një pjesë loje luajti edhe Luka Modric, veterani dhe shpresa e madhe e tifozëve kuqezinj. Në stol qëndroi Ardon Jashari.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera