RIAD - Për herë të 11-të në histori, Al Nassr është shpallur kampion në Arabinë Saudite. Klubi ku bën pjesë edhe Cristiano Ronaldo ia doli të fitojë 4-1 kundër Damac në ndeshjen e fundit të sezonit, për të siguruar suksesin e plotë këtë sezon. CR7 shënoi dy gola në këtë fitore, teksa për të ky është trofeu i parë pas tre vitesh e gjysmë me Al Nassr.

Sadio Mane hapi serinë e golave pas një asistimi të Joao Felix, ndërsa Coman u kujdes për golin e dytë. Sidoqoftë, Damac shqetësoi vendasit kur Sylla realizoi nga pika e bardhë e 11 metërshit për të rihapur garën.

Megjithatë, Cristiano Ronaldo u kujdes që të mos kishte befasi. Pesë herë fituesi i 'Topit të Artë' shënoi dy gola të bukur për të kompletuar triumfin 4-1 të të tijve dhe trofeun e kampionit. Ky është titulli i parë kampion për Ronaldon në Arabinë Saudite, teksa pas një muaji 41-vjeçari do të kërkojë Kupën e Botës me Portugalinë. CR7 e çon në 973 gola numrin e realizimeve në të gjithë karrierën, duke qenë pranë rekordit të 1000 golave.

Rivalët e Al Hilal e mbyllën kampionatin me asnjë humbje, duke siguruar 25 fitore dhe 9 barazime, por u renditën në vendin e dytë me 84 pikë, dy më pak se kampionët e Al Nassr.

Rendit zhvillimet sipas orarit:
Ora 12:06
Kingsley Coman një hajmali, fiton titullin e 13-të në 14 vite karrierë si profesionist

1779444465_kingsleycoman.jpg

Kingsley Coman është 29 vjeç dhe sapo ka shtuar një tjetër pjesë të çmuar në palmaresin e tij personal, pas shpalljes kampion në Ligën Saudite të futbollit me Al Nassr. Një sukses i firmosur edhe prej tij në fitoren 4-1 kundër Damac.

Titulli i fundit kampion certifikon një statistikë të frikshme të sulmuesit, me 13 trofe kampioni në 14 sezone si futbollist profesionist.

Palmaresi i francezit në kampionatet kombëtare:

Francë: 2 trofe Ligue 1 (Paris Saint Germain)

Itali: 1 titull i Serie A (Juventus)

Gjermani: 9 Bundesliga (Bayern)

Arabia Saudite: 1 Saudi Pro League (Al-Nassr)

Në këtë rrugëtim gati perfekt, ka vetëm një mungesë. I vetmi sezon, ku Coman nuk e ka fituar trofeun kombëtar, i takon vitit 2024. Atë vit Bayer Leverkusen i Xabi Alonso ndërpreu dominimin e Bayern Munchen dhe francezi për herë të parë në karrierë pa të tjerët të festonin.

S.Dh/Shqiptarja.com

Ora 09:18
VIDEO/ 'Një thes' me trofe, Ronaldo s'i mban lotët pas titullit kampion me Al Nassr

Ai ka fituar gjithçka në karrierën e tij, por Cristiano Ronaldo nuk pushon kurrë së emocionuari, duke qenë i uritur për trofe. Portugezi, menjëherë pasi fitoi trofeun e parë me Al Nassr, nuk e fshehu emocionin; shumë lot në stol, pastaj festimi me shokët e tij të ekipit për fitoren e titullit kampion. Në rrjetet sociale, shumë veta theksuan gjithashtu dedikimin për Georginën, e cila ishte e pranishme në tribuna, ashtu si edhe për fëmijët e tyre.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Maj, 22:10

    Si ju duket rizgjedhja e Berishës në krye të PD pa garë?

Lajme të tjera