La Liga e futbollit në Spanjë vijoi këtë të shtunë me javën e tetë. Në Katalonjë, Girona humbi 0-3 me Real Madridin, duke ndërruar pozicionet me "Galaktikët". Tanimë madrilenët e Ancelottit janë në krye të renditjes, teksa surpriza Gironë në vendin e tretë.

Reali nuk e diskutoi fitoren, duke shënuar dy gola në pjesën e parë. Joselu në të 17 minutë shënoi pas asistit të Bellingham, ndërsa Tchouameni në të 21 minutë gjeti rrjetën. Me pjesën e parë që u mbyll kështu, radha ishte për Bellingham që të gjente golin e tretë në të 71 minutë. Këtë herë ishte Joselu që i ktheu asistin britanikut. Në fund kishte vend edhe për kartonin e kuq të Nacho Fernandez te Real.

Me tetë ndeshje të luajtura, Real Madridi është në krye të renditjes me 21 pikë, një më shumë se Barcelona dhe dy më shumë se Girona.

Në përballjet e tjera të ditës, Getafe dhe Villarreal barazuan 0-0, ndërsa Rayo Vallecano dhe Mallorca u ndanë 2-2. Te miqtë një nga golat e shënoi Vedat Muriqi.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera