GOLAT/ Everton mposht Liverpoolin pas 14 vitesh, Man. United fiton në shtëpi! Tri pikë për Palace dhe Bournemouth

Pas humbjes me Everton, trajneri i Liverpool thotë se duhet një mrekulli që Arsenal dhe Man. City të gabojnë dhe të tijë të jenë në garë për titullin kampion.

Klopp është parë i zhgënjyer dhe u ka kërkuar falje tifozëve pas humbjes 2-0 me Evertonin.

“Jam shumë i zhgënjyer. Ne e lamë ndeshjen të rridhte në atë drejtim që donte Everton. Pësuam dy gola nga goditjet standarte, aty ata janë vërtet të fortë. Gjithsesi, ne krijuam shumë raste por nuk shënuam. Më pas në pjesën e dytë ishim emocionalë dhe me nxitim, jo mjaftueshëm të qartë.

Ne pësuam golin e dytë me një lehtësi të madhe. Një skemë që ata bëjnë gjatë gjithë sezonit. Ne e dinim se topi po shkonte atje, thjesht nuk e mbrojtëm mjaft mirë. Ne nuk ishim mjaftueshëm të mirë.

U përpoqëm, por nuk ishte mjaftueshëm i mirë. Kur fiton ka 500 arsye, por kur humbet ka vetëm një, nuk ishim mjaftueshëm mirë. Unë i kërkoj falje kujtdo që është me ne, tifozëve. Është e vështirë për ne. Ne duhet të kishim bërë më mirë, por nuk e bëmë dhe kjo është arsyeja pse humbëm”, tha Klopp.

Në "Old Trafford" Manchester United u imponua dhe fitoi 4-2 me përmbysje kundër Sheffield United. Bogle shënoi për miqtë në minutën e 35, para se Maguire të vendoste ekuilibrat në fundin e pjesës së parë. Sërish miqtë në fraksionin e dytë gjetën avantazhin me Diaz, para se Bruno Fernandes të shënonte dopietë dhe Hojlund të "vuloste" 4-2 rezultatin. Man. United merr vendin e gjashtë.

Në "Goodison Park" Everton fitoi 2-0 kundër Liverpool. Me këtë humbje Liverpool duket se largohet nga gara për titullin kampion, duke pësuar disfatën e parë pas 14 vitesh në fushën e Everton. Branthuaite dhe Calvert-Leuin shënuan për Everton në secilën pjesë. Liverpool me 74 pikë mbetet në vendin e dytë, tre pikë pas Arsenalit kryesues. Man. City me 73 pikë ka dy ndeshje më pak.