JAPONI - Interi fitoi 2-1 me përmbysje kundër PSG-së, në një test miqësor të zhvilluar në stadiumin kombëtar të Tokyos në Japoni. Në turneun veror që skuadrat po zhvillojnë në Azi, zikaltërit fituan me gola nga stoli, teksa përmbysën perlën e Vitinhas nga afro 25 metra.

Pjesa e parë ishte pa histori, me skuadrat që i lanë gjithçka 45 minutave të dyta. Do duhej e 63 minutë që Vitinha me një goditje të bukur të mposhtet Stankovicin në portë, kjo pas asistit të Soler.

Fill pas golit, Inzaghi hodhi në fushë edhe Asllanin, me lojtarin e Kombëtares që ishte protagonist te goli i barazimit. Në të 81 minutë, Kristjani nxori një top nga mesi i fushës për të Cuadrado, me aksionin që solli golin.

Pasimi final i Frattesit gjeti Espositon të lirë, me të djathtën e sulmuesit që përfundoi në rrjetën e Donnarummës. Ende pa u zbehur festa e golit të parë, në të 83 minutë Interi gjeti golin e dytë dhe të përmbysjes me Sensin, sërish me asistin e Frattesit.

Kështu, Interi ia del të fitojë kundër PSG-së, me trajnerët Inzaghi dhe Lusi Enrique që po shohin formën e lojtarëve në pritje për nisjen e kampionateve respektive në Serie A dhe Ligue I.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera