Serie A e futbollit në Itali zhvilloi të shtunën tre ndeshjet e radhës për raundin e 27-të. Como përmbysi 3-1 Leccen, Napoli mori tri pikë pas fitores 1-2 në Verona, teksa Interi u rikthye te fitorja duke mposhtur 2-0 Genoan. Kjo ishte fitorja e tetë radhazi e Interit në kampionat, me zikaltërit që mbaten në vendin e parë të renditjes me 67 pikë.

Në 'Giuseppe Meazza' Interi vinte pas zhgënjimit dhe eliminimit nga Bodo/Glimt në Champions League. Zikaltërit e Cristian Chivu nuk e patën të vështirë përballjen kundër Genoas, duke kaluar në epërsi me Dimarcon pas 31 minutave lojë. Anësori i majtë mori një pasim nga Mkhitaryan dhe zhbllokoi sfidën me një gol fantastik për të qetësuar tifozët. Në fraksionin e dytë, konkretisht në minutën e 70-të ishte Calhanoglu që u tregua i saktë nga pika e bardhë e 11 metërshit për golin e dytë të Interit.

Këtë të dielë Serie A ka në program katër sfida. Në orën 12:30 luhet Cremonese - Milan, në orën 15:00 Sassuolo - Atalanta, në orën 18:00 luhet Torino - Lazio dhe mbrëmja kulmon në orën 20:45 me sfidën Roma - Juventus që zhvillohet në 'Olimpico'.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera