GOLAT/ Juventus 'merr hak', mposht 2-0 Lazion në gjysmëfinalen e Kupës së Italisë

GOLAT/ Juventus 'merr hak', mposht 2-0 Lazion në gjysmëfinalen e Kupës së Italisë

Festa e Chiesa dhe Vlahovic

Juventus ia doli të mposhtë 2-0 Lazion në Torino për ndeshjen e parë gjysmëfinale mes tyre në Kupën e Italisë. "Zonja e Vjetër" duket se u kundërpërgjigj për humbjen që Lazio i shkaktoi vetëm katër ditë më parë në Serie A (1-0).

Pjesa e parë në "Allianz Stadium" u mbyll pa gola, me Juven që fitoi një penallti që u anulua pas konsultës me VAR. Duhej minuta e 50-të që asisti preçiz i Cambiasos nga më shumë se 50 metra të nxirrte vetëm Chiesan përballë Mendas, me sulmuesin e Italisë që ia la sferën pas shpine.

Më pas bardhezinjtë gjetën edhe golin e dytë me Vlahovic, që me të majtë nga brenda zone e bëri të lehtë për Juven. Kështu, "Zonja e Vjetër" shkon në ndeshjen e kthimit që luhet në "Olimpico" më 23 prill me dy gola epërsi dhe duket me një këmbë në finalen e Kupës së Italisë.

Nesër në orën 21:00 luhet edhe gjysmëfinalja e parë mes Fiorentinës dhe Atalantës.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?



×

Lajmi i fundit

23 Prilli, Dita Botërore e Librit

23 Prilli, Dita Botërore e Librit