Juventusi është eliminuar nga Kupa e Italisë në fazën çerekfinale. Në Torino ‘Zonja e Vjetër’ barazoi 1-1 me Empolin dhe pas penalltive skuadra toskane siguroi një biletë për më tej, teksa gjen përballë Bolognan.

Pjesa e parë e ndeshjes u mbyll në avantazhin e miqve, me Empolin që shënoi me Maleh në minutën e 24-t. Momenti më i mirë i Juventusit ishte në minutën e 66-të kur Thuram shënoi golin e barazimit.

Një veprim më shumë se fantastik nga francezi i cili me një lëvizje brilante në zonën mike, la jashtë kohe mbrojtësin dhe përballë portierit barazoi ndeshjen.

Me 90 minutat që u mbyllën 1-1, sfida iu drejtua penalltive dhe Empoli fitoi 2-4. Vlahovic dhe Yildiz gabuan te Juventusi. Vlen të theksohet se mbrojtësi Ardian Ismajli luajti vetëm pjesën e parë dhe u largua nga fusha për shkak të një lëndimi. Pas dështimit në Champions League, Juvja e gjen veten edhe jashtë Kupës së Italisë.

Tanimë gjysmëfinalet e Kupës së Italisë janë fiksuar dhe ato janë Empoli - Bologna dhe Milan - Inter, fazë që luhet me vajtje-ardhje dhe përballjet do zhvillohen më 2 dhe 23 prill.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera