Golat kuqezinj, Gjimshiti i shënon Interit, supergol i Kaçes, Eros Grezda shkëlqen me dopietë te Rangers (VIDEO)

Golat kuqezinj, Gjimshiti i shënon Interit, supergol i Kaçes, Eros Grezda shkëlqen me dopietë te Rangers (VIDEO)

Ergys Kaçe, Eros Grezda dhe Berat Gjimshiti

Kjo ishte fundjava e golave kuqezinj. Berat Gjimshiti ka shënuar golin e parë në Seria A kundër Interit, në sfidën që Atalanta ku aktivizohet edhe Etrit Berisha, fitoi me shifrat 4:1. Qendërmbrojtësi i kombëtares shënoi golin e tretë dhe të sigurisë në portën e Handanoviç. Paraqitja e Gjimshitit është vlerësuar maksimalisht nga mediat italiane. Në këtë ndeshje u aktivizua titullar për të tretën ndeshje radhazi gardiani kuqezi Etrit Berisha, i cili duket se ka konsoliduar portën e Atalantës, duke qenë zgjedhje e parë e Gasperinit. 

Goli i Gjimshitit, shënuar ndaj Interit

Në ndeshjen Olimpiakos-Panathinaikos është Ergys Kaçe që kaloi në avantazh miqtë në minutën e 61-të të takimit, me një goditje fantastike nga me të djathtën nga jashtë zone Kujtojmë që Kaçe u thirr në Kombëtare për ndeshjet e nëntorit, vetëm pasi Loret Sadiku nuk pranoi ftesën e Panuçit, dhe mesfushori i Panathinaikosit ishte emri që e zëvendësoi. 

Goli i Kaçes, shënuar ndaj Olympiakos

Mbresëlënëse dhe fantastike është paraqitje e Eros Grezdës me Rangers në Skoci kundër Motherwell. Mesfushori kuqezi shënoi dy gola në harkun e shtatë minutave, duke u zgjedhur lojtari i ndeshjes si dhe një vend në formacionin e javës në Premier League-n skoceze. Shqiptari ka luajtur që nga minuta e parë, duket shpërblyer besimin e dhënë nga trajneri Steven Gerard. Goli i parë u shënua teksa po luhej minuta e 67’, ndërsa i dyti në minutën e 74-t. Ekipi i tij, Glasgow Rangers fitoi me shifrat tenistike 7-1 kundër Motherwell.

Goli i Parë i Grezdës, shënuar ndaj Motherwell

Goli i dytë i Grezdës, shënuar ndaj Motherwell

Paraqitjet e mira të kuqezinjve janë një mesazh i qartë për të besuarit e Christian Panuccit përpara ndeshjes me Skocinë në “Elbasan Arena”, sfida e fundit e Shqipërisë në “Ligën e Kombeve”. 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet