Premier League e futbollit në Angli mbylli të hënën mbrëma raundin e 16-të. Në "Old Trafford" sfida mes Manchester United dhe Bournemouth u mbyll në një barazim spektakolar 4-4. "Djajtë" e Amorim duhet t'i falen gardianit Senne Lammens që në fundin e sfidës bëri një pritje fantastike, duke shmangur turpin në shtëpi.

United zhbllokoi ndeshjen pas 13 minutave lojë me golin e Amad Diallo, por miqtë barazuan me Semenyo. Megjithë golin e pësuar, Man. United shënoi me Casemiro për ta mbyllur pjesën e parë në avantazhin 2-1.

Nisja e fraksionit të dytë e pa Manchester United 'në gjumë' dhe Bournemouth përmbysi ndeshjen me Evanilson dhe Tavernier në minutat 46-të dhe 52. Mirëpo golat e pësuar "zgjuan" të kuqtë dhe Bruno Fernandes dhe Cunha rikthyen epërsinë për "Djajtë e Kuq".

Fundi ishte i hidhur për vendasit pasi Kroupi barazoi vetëm gjashtë minuta nga fundit. Ndeshja mund të rezultonte dramatike për të besuarit e Amorim, nëse portieri Senne Lammens nuk do bënte një pritje shpëtimtare në çaste e fundit.

Me barazimin 4-4 skuadrat ndajnë nga një pikë. United mban pozitën e gjashtë me 26 pikë të grumbulluara, ndërsa Bournemouth me 21 pikë gjendet në vendin e 13-të.

Rendit zhvillimet sipas orarit:
Ora 15:39
Barazimi dramatik me tetë gola, Amorim i United: Ndeshje spektakolare për publikun, rezultati duhet të ishte ndryshe

1765896027_rubenamorim.JPG

Pas barazimit 4-4 mes Manchester United dhe Bournemouth, për mediet foli trajneri i 'Djajve të Kuq', Ruben Amorim. Ai tha se ndeshja ishte spektakolare për publikun, por rezultati duhet të ishte ndryshe.

“Një ndeshje argëtuese. E nisëm shumë mirë, bëmë një pjesë të parë shumë të mirë, ndaj rezultati duhet të ishte krejtësisht ndryshe. Humbëm përqendrimin dhe ata shënuan dy gola. Por arritëm të ktheheshim në lojë, shënuam përsëri dy gola dhe pastaj duhet ta përfundonim ndeshjen në favorin tonë.

Ka shumë gjëra të mira, por ka shumë gjëra për të punuar. Nuk po fitojmë ndeshje për shkak të detajeve. Janë detajet ato që duhet të punojmë, të kuptojmë momentin e ndeshjes. Duhet të jemi më cinik sepse krijojmë kaq shumë raste për të fituar ndeshjen”, tha mes të tjerash Amorim.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Janar, 09:18

    Burg deri në një vit për parkim dysh, si e vlerësoni?

Lajme të tjera