GOLAT/ Dortmund fiton 'Klasiken' me Bayern Munich! Leverkusen vijon rekordin dhe siguron Championsin, Freiburg fiton në udhëtim

Bundesliga gjermane e futbollit vijoi këtë të shtunë më javën e 27-të. Me fillim nga 15:30 u zhvilluan pesë duele, teksa ra në sy përmbysja 2-1 e Leverkusen përballë Hoffenheim. Në 18:30 vëmendja ishte në 'Klasiken' Bayern Munich 0-2 Dortmund. Bavarezët kështu "lajnë duart" nga titulli duke ia "dorëzuar" Leverkusenit.

Spektakël dhe emocione në "BayArena". 30 mijë të pranishmit u bënë "me zemër", teksa Bayer Leverkusen fitoi 2-1 me përmbysje kundër Hoffenheim vetëm në fundin e takimit. "Aspirinat" vijojnë të jenë të pathyeshëm këtë sezon duke mos humbur asnjë duel në të gjitha kompeticionet. Për miqtë shënoi Beier në pjesën e parë, teksa duhej minuta e 88-të që Andrich të barazonte. Tre minuta më vonë ishte i përhershmi Patrick Schick që përmbysi gjithçka duke bërë që Leverkusen të qëndrojë në krye të renditjes, i shkëputur nga Bayern Munich. Me këtë sukses Bayer Leverkusen ka siguruar vendin në zonën Champions për sezonin që vjen.

Në "Allianz Arena" Bayern Munich humbi 0-2 me Dortmundin në "Klasiken" e futbollit gjerman. Bavarezët e Tuchel "lajnë duart" kështu me titullin kampion duke ia 'dorëzuar' Bayer Leverkusen. Golat për Dortmundin u shënuan nga Adeyemi në të 10 minutë dhe Ryerson në fundin e lojës. Leverkusen kryeson me 13 pikë më shumë se Bayern Munich, me Bundesligën që ka edhe shtatë ndeshje për të zhvilluar deri në fundin e sezonit.

Bundesliga, raundi 27:

E shtunë, 15:50

Borussia MGladbach 0-3 Freiburg

Bayer Leverkusen 2-1 Hoffenheim

Eintracht Frankfurt 0-0 Union Berlin

RB Leipzig 0-0 Mainz

Werder Bremen 0-2 Wolfsburg

18:30 Bayern Munich 0-2 Dortmund

Renditja:

Rendit zhvillimet sipas orarit:

Të Fundit Të Parat

S.Dh/Shqiptarja.com

TAG:
• dortmund
• Bayern Munchen
• hoffenheim
• Bayer Leverkusen
• Bundesliga