Liverpooli ka siguruar kalimin në 1/16 e FA Cup, pasi mposhti të hënën Barnsleyn me rezultatin bindës 4-1 në “Anfield”, në kuadër të raundit të 1/32-ave. Skuadra e Arne Slot e mori seriozisht takimin që nga fillimi.

Dominik Szoboszlai zhbllokoi sfidën në minutën e 9-të me një goditje të saktë, duke vendosur rezultatin 1-0. Në minutën e 36-të, Jermie Frimpong dyfishoi avantazhin pas një aksioni të bukur dhe asisti nga Mac Allister, duke i dhënë të kuqve një epërsi të sigurt.

Barnsley reagoi para pushimit dhe Adam Phillips shënoi në minutën e 40-të, duke ngushtuar rezultatin në 2-1 dhe duke lënë gjithçka të hapur për pjesën e dytë.

Në fraksionin e dytë, Liverpooli menaxhoi lojën dhe mbylli takimin në minutat e fundit. Florian Wirtz shënoi në minutën e 84-t për 3-1 me një goditje të bukur nga kufiri i zonës, ndërsa në shtesë Hugo Ekitike vulosi ndeshjen për 4-1.

Me këtë fitore, Liverpooli kualifikohet në raundin e ardhshëm, ku do të përballet me Brightonin në 1/16 e FA Cup.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera