ANGLI - Premier League mbylli të hënën raundin e 34-t. Në 'Old Trafford' vendasit e Manchester United fituan 2-1 kundër Brentford për të hedhur një hap shumë të rëndësishëm drejt kualifikimit për në Champions League edicionin e ri.

Ekipi i Michael Carrick kaloi në epërsi pas 11 minutave lojë. Një asist i Harry Maguire u shfrytëzua bukur nga Casemiro i cili zhbllokoi shifrat. United vijoi të dominonte sfidën dhe në minutën e 43-të 'vulosi' tri pikët. Kapiteni Bruno Fernandes pasoi për Benjamin Seskon, teksa sulmuesi lëvizi bukur në zonë dhe e ndali sferën në rrjetë.

Në pjesën e dytë Man. United u mundua të shënonte edhe golin e tretë, por rrjetën e gjetën miqtë vetëm tre minuta para fundit të sfidës me Mathias Jensen, për rezultatin final 2-1. Fundjava që vjen rezervon duelin Man. United - Liverpool.

Arsenali me 73 pikë mban kreun, por 'Topçinjtë' rrezikojnë titullin kampion pasi Manchester City i cili ndjek me tre pikë më pak ka një ndeshje të prapambetur. Në fundin e renditjes mbeten Tottenham, Burnley dhe Wolves, me dy klubet e fundit që kanë zyrtarizuar rrëzimin nga elita e futbollit anglez.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Prill, 21:24

    A duhet që seancat në GJKKO të transmetohen live për publikun?

Lajme të tjera