ITALI - Milani fitoi 2-0 kundër Barit në 1/32 e Kupës së Italisë. Ekipi i Max Allegrit tregoi dëshirë dhe cilësi në fushë, paçka se rivali nuk ishte në nivelin e kuqezinjve. Në fazën e radhës Milani gjen Leccen, por në këtë duel shqetësoi gjendja e Leaos, i cili la fushën i lënduar pas vetëm 17 minutave lojë.

Sfida në "San Siro" nisi me diktatin e vendasve, të cilët shënuan që në minutën e 14-të. Një krosim nga Tomori gjeti Leaon në zonë, me këtë të fundit që me kokë e ndali sferën në rrjetë. Pas këtij momenti Milani kishte edhe disa raste të pastra për shënim, por Pulisic u ndal nga traversa.

Megjithatë, në nisje të pjesës së dytë amerikani korrigjoi shënjestrën dhe i dërgoi shifrat në 2-0 pas pasimit final të Gimenez. Në minutën e 66-të trajneri Allegri i dha mundësi Modric, Jasharit dhe Riccit që të luanin ndeshjen e parë zyrtare me fanellën kuqezi.

S.Dh/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera