Futbolli elitar spanjoll, La Liga, nisi të premte me raundin e pestë. Në 'de La Cartuja' të Sevillas, vendasit e Real Betis mposhtën 3-1 Real Sociedadin duke e parë veten për momentin në vendin e katërt në klasifikim.

Cucho Hernandez në minutën e shtatë zhbllokoi ndeshjen duke kaluar në epërsi Betisin, para se Mendez në minutën e 13-të të barazonte shifrat për t'i dërguar skuadrat në dhomat e zhveshjes me rezultatin 1-1.

Në nisje të fraksionit të dytë, konkretisht në minutën e 49-të autogoli i portierit Remiro i dha sërish epërsinë Betisit, me djemtë e Manuel Pellegrinit që shënuan edhe golin e tretë me Pablo Fornals për të 'arkivuar' tri pikë shumë me vlerë në këtë nisje të sezonit.

Me nëntë pikë pas gjashtë ndeshjeve, Betis mban vendin e katërt, por ka dy ndeshje më shumë se rivalët. Ndërkohë që Sociedad mbetet në kuotën e dy pikëve për vendin e 17-të. Baskët ende kërkojnë fitoren e parë këtë sezon.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera