POP 5

Lajmet më të lexuara të 5 minutave të fundit

Sport

Golat rekord të Uzunit, lotët e Strakoshës dhe shkëlqimi i Ernest Muçit! Fundjava pozitive e legjionarëve

Myrto Uzuni, futbollisti i kombëtares, ka realizuar 6 gola këtë fundjavë në Hungari, duke barazuar një rekord 60-vjeçar. Ndërkohë nga kuqezinjtë në Europë ka gjetur rrugën e rrjetës edhe sulmuesi Ernest Muçi me skuadrën e Legian, ndërsa Thomas Strakosha nuk i ka mbajtur lotët nga mesazhet mbështetesë të tifozëve pas gafës në mesjavë.

Futbollisti i Kombëtares Myrto Uzuni ka qenë protagonist absolut në fundjavë në kampionatet europiane ku luajnë shqiptarët. Sulmuesi që është pjesë e Ferencvaros ka realizuar 6 gola në fitoren e thellë 0-9 kundër Hatvan për Kupën e Hungarisë. Për herë të fundit 6 gola në një ndeshje futbolli në Hungari kishte realizuar legjenda e Ferencvaros Florian Alberti në vitin e largët 1960. Alberti është edhe futbollisti i vetëm hungarez që ka fituar një top të artë.

Lajme të mira vijnë edhe nga Polonia ku shqiptari Ernest Muçi jo vetëm që po merr më shumë minuta me Legian e Varshavës, por edhe po realizon gola. Sulmuesi 20-vjeçar që më herët ka qenë pjesë e Tiranës realizoi golin e dytë në fitoren 3-1 kundër Lecnas. Në minutën e 27 Muçi u tregua shumë këmbëngulës duke mbrojtur topin mes shumë kundërshtarët dhe për pasojë duke gjetur rrugën e rrjetës.

Ndërkohë në Seria A Rei Manaj ka marrë minutat e para si futbollist i Spezias, që këtë javë fitoi 1-2 në transfertën kundër Venecias. Sulmuesi i kombëtares u fut në lojë në minutën e 70, ndërsa ishte pjesë e skuadrës kur u realizua goli i fitores në minutën e 94.

Për t’u evidentuar këtë javë ishin edhe lotët e portierit të kombëtares që luan për Lazion Thomas Strakoshën. Gardiani kuqezi mori mesazhe mbështetëse nga tifozët në stadium pavarësisht se në mesjavë gabimi i tij i kushtoi ekipit humbjen në Europa League kundër Galatasarayt. Në një reagim të tijin Strakosha ka deklaruar se ky moment do të mbetet i fiksuar për të gjithë jetën e tij.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33