LONDËR, Angli - Premier League e futbollit në Angli është në raundin e dytë. Në 'Craven Cottage' Fulham dhe Manchester United barazuan 1-1 të diel. Për të besuarit e Ruben Amorim, ky sezon i ri po tregon sërish probleme të vjetra.

Miqtë u treguan menjëherë të rrezikshëm duke tundur shtyllën me Cunha që pas dy minutave lojë. Në minutën e 38-të Man. United fitoi penallti pas ndërhyrjes së VAR, me arbitrin që shpjegoi me zë dhe argumenta për tifozët vendimin. Nga pika e bardhë u paraqit Bruno Fernandes, por kapiteni i United e dërgoi topin në tribunë.

Duhej fraksioni i dytë që Man. United të zhbllokonte sfidën. Një krosim nga këndi bëri që Rodrigo Muniz ta devijonte sferën i fundit për në portën e tij, duke sjellë kështu autogolin që i dha United avantazhin momental.

Në minutën e 73, pas vetëm disa sekondave në fushë dhe me prekjen e parë të topit, Smith Rowe devijoi në rrjetë një pasim të Iwobi për të vendosur rezultatin final 1-1.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera