Elita e futbollit anglez, Premier League mbylli të enjten raundin e 29-të. Në Londër Tottenhami u mposht në shtëpi 1-3 me përmbysje nga Crystal Palace. Spurs kanë që prej 28 dhjetorit 2025 që nuk fitojnë në kampionat, ose thënë ndryshe në 11 ndeshje radhazi. Fitorja e fundit e tyre ka qenë pikërisht kundër Crystal Palace me rezultatin 0-1. Duket se te Spurs as afrimi i trajnerit të ri Igor Tudor nuk ka dhënë shkëndijat e duhura dhe klubi rrezikon mbijetesën në elitën e futbollit anglez.

Në 'Tottenham Stadium' ndeshja u vendos brenda pjesës së parë e cila ishte për ata me zemër të fortë. Në minutën e 29-të miqtë gjetën epërsinë me golin e Ismaila Sarr, por gjithçka u anulua për pozicion milimetrik jashtë loje pas rishikimit të pamjeve në VAR.

Pas këtij momenti ishte Solanke që kaloi në epërsi Spursat me golin e minutës së 34-t, ndërsa Tottenhami mbeti edhe me një lojtar më pak pas daljes me karton të kuq të van de Ven. Ndërhyrja e tij u cilësua e gabuar dhe nga pika e bardhë e 11 metërshit Ismaila Sarr u tregua i saktë për barazimin 1-1.

Fundi i pjesës së parë ishte dramatik për Tottenhamin që pësoi edhe dy gola në shtesë nga Jorgen Larsen dhe sërish Sarr i cili bëri heroin për Palace. Paçka përpjekjeve për të rihapur sfidën në fraksionin e dytë, Spurs shohin humbjen e 14-të këtë sezon dhe me vetëm 29 pikë mbeten në vendin e 16-të, një pikë mbi zonën e mbijetesës. Palace me 38 pikë ngjitet në vendin e 13-të.

Rendit zhvillimet sipas orarit:
Ora 11:53
VIDEO/ Hunda në pozicion jashtë loje, goli i anuluar i Sarr kundër Tottenhamit bën xhiron e botës së futbollit

1772794460_ismailasarr.JPG

Crystal Palace fitoi të enjten 1-3 kundër Tottenham. Në minutën e 29-të miqtë gjetën epërsinë me golin e Ismaila Sarr, por gjithçka u anulua për pozicion milimetrik jashtë loje.

Goli nuk u quajt i rregullt pasi hunda e sulmuesit Ismaila Sarr, pas shikimit të pamjeve në VAR, është në pozicion jashtë loje. Episodi me nota komike është shpërndarë me shpejtësi në kanalet e komunikimit dhe ka bërë xhiron në botën e futbollit.

Edhe pse iu anulua ky gol për shkak të milimetrave, Sarr në këtë ndeshje shënoi dy gola të vlefshëm.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera