Serie A e futbollit në Itali mbylli të hënën mbrëma raundin e 22-të. Në stadiumin 'Marc'Antonio Bentegodi' vendasit e Veronës u mposhtën 1-3 nga Udinese në një ndeshje ku nuk munguan golat spektakolarë.

Udinese kaloi në epërsi pas minutës së 23-të me golin e Arthur Atta, ndërsa tre minuta më vonë Verona vendosi ekuilibrat me Emmanuel Orban, për të mbyllur fraksionin e parë 1-1.

Në pjesën e dytë Udinese ishte më kërkuese në fushë dhe shënoi dy supergola. Fillimisht Alessandro Zanoli në minutën e 58-të dhe Keinan Davies "vulosën" tri pikët për Udinesen.

Me këtë sukses miqtë u ngjitën në vendin e 10-të duke pasur 29 pikë, ndërsa Verona mbetet sërish në pozitën e fundit me 14 pikë (aq sa ka edhe Pisa). Pas javës së 22-të Serie A kryesohet nga Interi me 52 pikë, ndjekur nga Milani me 47-të, Roma e Napoli me nga 43 pikë dhe Juventusi me 42 pikë. Como me 40 pikë ndodhet në vendin e gjashtë që të dërgon në Evropë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 21:48

    A duhet qeveria t’i druhet protestave të opozitës?

Lajme të tjera