Gonzalo Higuain vishet zyrtarisht
bardhezi për shumën e 90 mln Eurove

Juventusi ka realizuar goditjen e madhe në merkato duke blerë Gonzalo Higuain. Higuain kaloi me sukses vizitat mjekësore dhe ka firmosur një kontratë 4-vjecare me bardhezinjtë nga e cila do të përfitojë 7,5 milionë Euro në sezon.

90 milionë është shuma e përfituar nga Napoli për kartonin e lojtarit, shifër të cilën Juventusi do ta paguajë në dy vite. Me afrimin e Higuain Juventusi kthehet në një ekip të papërballueshëm për rivalët në Itali, ndërsa synimi kryesor është trofeu i Champions League, që mungon në muzeun e bardhezinjtë prej shumë vitesh.

E ndërsa larguan Higuain, Napoli është vendosur në kërkim të një sulmuesi klasi për të synuar një kampionat spektakolar si edicionin e kaluar. Në plan të parë është Icardi për të cilin Napoli ofron 50 milionë Euro, por Interi po heziton duke tentuar që të përfitojë sa më shumë që të jetë e mundur.


d.b/shqiptarja.com