Bota

Google nderon me kujtesë Ruth Pfau, 'Nënë Terezën pakistaneze'

Me themelimin e 157 klinikave dhe 56 mijë pacientëve të trajtuar, ajo kontribuoi në lajmin e mirë të Organizatës Botërore të Shëndetit në vitin 1996, e cila e shpalli Pakistanin si një vend të ‘lirë’ nga lebra.

Redaksia 9 Shtator 2019, 12:02 | Përditesimi: 9 Shtator 2019, 12:22

Logo e sotme e Google i është kushtuar Ruth Pfau dhe luftës së saj të palodhshme kundër lebrës.

E lindur më 9 shtator, 90 vjet më parë, ‘Motra’ dhe mjekja, i’u përkushtua për më shumë se 55 vjet luftës kundër lebrës dhe të prekurve nga kjo sëmundje në Pakistan.

Ruth Pfau vdiq në Pakistan në 10 gusht 2017 në moshën 87 vjeçare. Ajo ishte ndër themelueset e Qendrës Marie Adelaide dhe kontribuoi në njoftimin e anoncuar nga Organizata Botërore e Shëndetit, në vitin 1996, e cila e shpalli Pakistanin ‘të çliruar’ nga lebra.

LEXO EDHE:
Më shumë se 40 të vrarë nga sulmet pakistaneze në Afganistan

Për angazhimin e saj, Pfau është quajtur dhe 'Nënë Tereza e Pakistanit', fal themelimit të 157 klinikave që trajtuan mbi 56 mijë pacientë që vuanin nga lebra.

E lindur në Leipzig në një familje protestante, pas Luftës së Dytë Botërore ajo iku nga Gjermania Lindore dhe filloi të studiojë mjekësi në Universitetin e Mainz.

E shndërruar në katolike, në vitin 1960 ajo u dërgua në Pakistan nga eprori i Motrave Françeskane të Zemrës së Jezusit dhe Mary Immaculate për të koordinuar shërbimet mjekësore.

Pasi kuptoi seriozitetin e sëmundjes së lebrës në Pakistan, ajo vendosi të mos kthehej më në Gjermani dhe të vazhdojë punën e saj pranë njerëzve që vuanin nga sëmundja infektive dhe kronike. Kjo është edhe arsyeja pse qeveria i dha shtetësi pakistaneze në vitin 1988.