POP 5

Lajmet më të lexuara të 5 minutave të fundit

Kronikë

Bota

Grabitën 2 shtëpi në Spanjë, gjykata ul dënimin për 3 shqiptarët pasi pranuan fajin! Paratë, bizhuteritë dhe orat e vjedhura i kishin fshehur në mal

Sipas mediave spanjolle, 3 shqiptarët kanë pranuar autorësinë e krimit para togave të zeza.

Grabitën 2 shtëpi në Spanjë, gjykata ul dënimin për 3 shqiptarët pasi pranuan fajin! Paratë, bizhuteritë dhe orat e vjedhura i kishin fshehur në mal

3 shqiptarët e akuzuar për grabitjen e 2 shtëpive në Spanjë, në Gjykatën Provinciale të Kompostelës

Tre shqiptarë janë dënuar nga gjykata spanjolle pasi kanë grabitur 2 shtëpi në zonën e Agro do Muíño.

Sipas mediave spanjolle, 3 shqiptarët kanë pranuar autorësinë e krimit para togave të zeza.

“Kërkoj falje, jam fajtor.”, “Kërkoj falje për të gjitha veprimet e mia dhe për të gjitha të këqijat që kam bërë", janë shprehur ata.

Në shenjë vlerësimi për pranimin e krimit dhe shfaqjes së pendesës, prokuroria spanjolle ka kërkuar uljen e dënimit ndaj tyre nga 9 në 5 vite burg, por duke qenë se ata kanë qëndruar në paraburgim prej më shumë se një viti në qytetin Teixeiro, 3 shqiptarët do të vuajnë dënimin me burg edhe 8 muaj, më pas do të kthehen në Shqipëri.

Mes të akuzuarve si pjesëmarrëse në grabitje ishte dhe një shtetase kolumbiane, e cila banonte në Barcelonë. Ajo akuzohej se kishte marrë me qira makinën të cilët shqiptarët kishin përdorur gjatë aktit kriminal, si dhe një banesë.

Këta të fundit janë shprehur se kolumbiania nuk kishte lidhje me ngjarjen kriminale, dhe se ajo ishte thjeshtë një e njohur.

Sipas rrëfimit të të akuzuarve, ajo njihte vetëm njërin prej tyre, me të cilin ishte njohur në vitin 2018, kur punonin në Ibiza.

"Meqenëse e ka të vështirë të kuptojë spanjishten e shkruar dhe nuk është i zoti në teknologji, i bëra një nder," është shprehur gruaja.

Gjatë seancës gjyqësore ishin të pranishëm edhe banorët e shtëpive të vjedhura në Agro do Muíño, të cilët sqaruan se 3 shqiptarët kishin grabitur para, bizhuteri dhe ora.

Një pjesë e madhe e sendeve të vjedhura u janë rikthyer banorëve, pasi hajdutët u treguan autoriteteve vendin specifik ku i kishin fshehur, në mal.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alex: 19/12/2023 08:38

    Keta jane nderi i Shqiptareve, te vrasin ne gjume edhe kur i kapin ulin pantallonat edhe presin .........

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53