POP 5

Lajmet më të lexuara të 5 minutave të fundit

Kronikë

Grabitësi që u vra mbrojti 'shpatullat' e shokëve, më shumë se pesë bashkëpunëtorë

Sipas burimeve të prokurorisë, grabitja me armë, është kryer nga një grup i strukturuar kriminal i përbërë prej më shumë se pesë persona, të cilët kanë qenë mjaft të organizuar dhe tepër të sofistikuar.

Grabitësi që u vra mbrojti 'shpatullat' e shokëve, më shumë se pesë bashkëpunëtorë

Admir Murataj dhe maska që përdori gjatë grabitjes

Grabitja e 10 milion eurove në pistën e Rinasit nuk do hetohet nga prokuroria e Tiranës, por tashmë hetimi është marrë në dorë nga Prokuroria e Krimeve të Rënda. Sipas burimeve të prokurorisë, grabitja me armë, është kryer nga një grup i strukturuar kriminal i përbërë prej më shumë se pesë persona, të cilët kanë qenë mjaft të organizuar dhe tepër të sofistikuar. Në prokurorinë e Krimeve të Rënda është ngritur një grup hetimor me qëllim zbulimin e autorëve të këtij krimi të rëndë. Sipas burimeve, grabitësi që është vrarë ende nuk është identifikuar. Ky person ka qenë njeriu që në ikje e sipër ka bërë rezistencë me armë ndaj policisë, e cila i ishte vënë nga pas.

Ndërkohë grabitësi qëllonte anëtarët e tjerë kanë zbritur thasët me para nga makina dhe kanë ndarë çantat, duke u larguar më pas. Por shoku i tyre ka vijuar të rezistojë me armë, duke tentuar të mbajë larg efektivët e policisë, por është qëlluar me një plumb në kokë duke mbetur i vdekur në vend. Identifikimi i këtij personi mund të jetë çelësi për zbërthimin e grupit kriminal, që tashmë është larguar pa adresë duke marrë me vete 10 milion euro që ishin në pronësi të katër bankave të nivelit të dytë në Shqipëri. Tashmë prokuroria e Krimeve të Rënda ka nisur hetimet për “Grabitje të bankave me armë” kryer në bashkëpunim, “Vrasje në rrethana cilësuese ndaj punonjësit të policisë e mbetur në tentativë”, “Grup i strukturuar kriminal” dhe “Armëmbajtje pa lejë”.


Lajmi kryesor:

Grabiten 10 milionë euro në 7 thasë në pistën e aeroportit të Rinasit, policia vret një nga autorët (VIDEO)
/r.k./Shqiptarja.com
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06