Grabitja në Rinas/ Të arrestuarit kërkojnë ballafaqim me të penduarin Alkond Bengasi, Gjykata e refuzon

TIRANË- 6 të arrestuarit për grabitjen e 4.6 milionë eurovë në Aeroportin e e Rinasit kanë kërkuar ballafaqim me të penduarin e drejtësisë, Alkond Bengasin.

Burime për Report Tv bëjnë me dije për gazetarin Arsen Rusta se ish-komandoja, Oltjon Veseli ka kërkuar që të ballafaqohet me Bengasin, i cili zbërtheu grupin, ose që të deklaratat e tij të mos merren si provë. Por kjo kërkesë e Ragip Hajdinit, Elton Piklit, Renaldo Sulajt, Oltjan Veselit dhe Saimir Celës është refuzuar ditën e sotme nga Gjykata e Krimeve të Rënda.

Ky grup i cili akuzohet për grabitjen e 4.6 milion eurove në Aeroportin "Nënë Tereza" më 9 prill, u zbërthyer nga nga dëshmitë e Alkond Bengasit bashkëpunëtorit të drejtësisë të arrestuar pasi në furgonin që u dogj kishte lënë gjurmët e gishtave. Bengasi ka modifikuar furgonin me mbishkrimin 'Hetimi tatitmor" e ndërsa zbuloi edhe rolin e anëtarëve të tjerë. Në këtë grabitje nga shkëmbimi i zjarrit me policinë mbeti i vrarë Admir Murataj, personi që në pistë u fut i maskuar me një maskë silikon.

Ndërkohë, për 6 të arrestuarit dhe të kërkuarin Klement Çala, Krimet kanë nisur një hetim pasuror.

 (DËSHMIA E PLOTË E BENGASIT)

B.K./Shqiptarja.com

TAG:
• grabitje me vdekje ne Rinas
• alkond bengasi