Ekspertiza e kryer nga specialistët e laboratorit shkencor të Policisë së Shtetit kanë nxjerë se dy viktimat e maskuar Adnan Luli dhe Ervin Shaba të vrarë mëngjesin e 17 dhjetorit nga Flamur Ymeri brenda shtëpisë së tij në Selitë, kanë kapuçat e dëmtuar nga plumbat.Në konkluzjonin përfundimtar thuhet se të dy këto kapuça që viktimat Luli e Shaba kishin në kokë tashmë janë administruar si prova material.

Ekspertët thonë se ekzaminimi i dy kapuçëve, provon faktin se viktimat janë qëlluar nga Flamur Ymeri në kohën që kishin në kokë kapucët, e sigurisë “arrest me burg” me afat 30 ditor, avokati i të dyshuarit Flamur Ymeri pretendon se nuk është zbardhur ky vendim. Mbi bazën e shkurtimit të vendimit, avokati Sajmir Visha pretendon se ka bërë edhe ankimin pranë Gjykatës së Apelit e cila pritet që javën që vjen të marrë në shqyrtim ankimin e Flamur Ymerit, që kërkon lirimin nga burgu. Sipas avokatit është kërkuar lirimi i klientit të tij, për faktin se nuk ka vepër penale. Vrasja është kryer në mbrojtje të nevojshme, çka sipas tij, klienti Ymeri duhet të lirohet nga përgjegjësia penale.

Këtë pretendim, mësohet se ka mbajtur edhe i dyshuari Ymeri i cili ka arsyetuar se vrasjen e dy grabitësve e ka kryer në mbrojtje të familjes dhe pasurisë së tij. Ndërkohë, familjarët e viktimave kanë mohuar faktin se dy djemtë e tyre kishin hyrë për të grabitur apo vrarë të zotin e shtëpisë, Flamur Ymeri, duke aluduar se ata janë transportuar nga një vend tjetër brenda ambienteve të shtëpisë së autorit në Selitë. duke rrëzuar alibin e vrasjes së tyre dhe më pas vendosjen e kapuçëve. Ndërkohë edhe pse kanë kaluar 15 ditë nga vendimi i Gjykatës së Tiranës, që ka caktuar masën.

*Shkrimi u botua ne Shqiptarja.com (print) dt. 10 Janar 2015

Redaksia Online
(Shqiptarja.com)