Ruçi urdhër deputetëve në seancë: Vendosni maskën! Hysi: S'do paguajmë gjobat për ju! Lita: Këta rrinë grumbull në kafe (VIDEO)

Kryetari i Kuvendit Gramoz Ruçi u kërkoi deputetëve në sallë në fillim të seancës që të vendosin maskën mbrojtëse. "Ne duhet të jemi të parët për zbatimin e masave dhe nuk ka vend për të neglizhuar ne të parët dhe për të kërkuar nga zgjedhësit se kjo betejë fitohet. Kush është pa maskë në sallë të vendosë maskën, kjo është e para.

Këtë e bën e gjithë bota, gjithë protokolli dhe parlamentet e botës. Edhe krerët e shteteve më të fuqishme takohen dhe diskutojnë online" tha ai, teksa dje qeveria e vendosi që të jetë me detyrim në ambientet e mbyllura. Ndërkohë që deputeti Korab Lita u shpreh se "Është e kotë të bëjmë mbledhjet online, kur deputetët po rrinë grumbuj në kafe".

Edhe n/kryetarja e Kuvendit Vasilika Hysi u kërkoi sërish deputetëve që të mbajnë maskën në seancë, pasi institucioni nuk duhet të gjobitet për kapriçot e tyre. "Ju lutem vendosni maskën.

Dënoheni ju si deputetë por edhe institucioni dhe nuk do të paguajë 7 milionë lekë të reja për kapriçot dhe neglizhencë, duhet të jemi modeli më i mirë për këdo sot" tha ajo. "Jam dakord por a vlen ky rregull edhe për kryetarin e kuvendit dhe kryeministrin?" pyeti Ralf Gjoni dhe përgjigja e Hysit ishte "Vlen për të gjithë dhe kryetari i kuvendit është me maskë".

Lajmi kryesor:

Rama me maskë, Ruçi dhe Hysi kërkojnë disiplinimin e deputetëve të opozitës: S'do paguajmë gjoba për kapriçot tuaja! Lita: Këta rrinë grumbull në kafe!

TAG:
• reforma zgjedhore
• hapja e listave
• seanca e kuvendit 16 korrik 2020