POP 5

Lajmet më të lexuara të 5 minutave të fundit

Opinion

Grek apo shqiptar? Kjo eshte çështja sot

Ndoshta hera e parë që do të mendohesha përpara fletës së Censusit. Dikur në kohën e Berishës së dytë talleshim me Artan Lamen mbi pyetjet e Censusit. Por kohët kanë ndryshuar.

Grek apo shqiptar? Kjo eshte çështja sot

Beleri dhe Goxhaj

Ndoshta hera e parë që do të mendohesha përpara fletës së Censusit. Dikur në kohën e Berishës së dytë talleshim me Artan Lamen mbi pyetjet e Censusit. Por kohët kanë ndryshuar.

Lamja nuk para shkruan më dhe një Census i ri na ka mbërritur në derë. Çfarë jam, çfarë dua të jem dhe çfarë mund të jem është në një farë mënyre thelbi i këtij Apeli të ri mbi popullatën.

Për herë të parë kam një dilemë, dilemë kjo e shtyrë nga realiteti i sotëm dhe përqasja ndaj dy ngjarjeve thellësisht shqiptare:

Fredi Bejleri, një ish banor i fshatit të Progonatit në malësitë e thella të Tepelenes, i vetë shpallur grek, i akuzuar (por jo i dënuar) si pjesëtar i grupeve terroriste anti- shqiptare, i zgjedhur në mënyrë demokratike si Kryetar i Bashkisë së Himarës, me mbështetjen politike të një ish-kryeministri dhe një ish-presidenti të Shqipërisë, tashmë në burg.

Për ta çuar në karrigen e fituar Belerin e Progonatit është hedhur në sulm diplomacia helene në nivelin më të lartë të mundshëm. Beleri është bërë një emër i njohur në kancelaritë euro atlantike dhe personalitete të shquara të politikes greke vijnë çdo jave në Shqipëri, për t’i bere presion opinionit publik dhe politikës shqiptare.

Dritan Goxhaj, shqiptar, ish-anëtar i UÇK-se i cili në kohën më kritike për kombin e tij ju përgjigj thirrjes së ndërgjegjes kombëtare. Shërbeu në ushtrinë guerrile dhe pasi lufta mbaroi dhe Kosova u bë e pavarur vazhdoi jetën e tij modeste pa kërkuar as shpërblime dhe as medalje.

Sot është në burgjet e shtetit të tij për një intervistë (në median e lirë dhe të pavarur demokratike ku presupozohet të thuash mendim tënd). Për Goxhajn nuk interesohet askush nga diplomacia jonë (të paktën publikisht) as ish-kryeministri dhe presidenti i Republikës.

Po ashtu si opinioni publik si politika nuk kanë ndonjë interes të dukshëm për çështjen e tij. Për Goxhajn nuk ka as shoqatë avokatësh që ta mbrojnë publikisht, as Kryetarë Bashkish dhe as Kryeministra. Dritani është i vetëm në qeli, dhe për ironi të fatit ndoshta shumë afër me qelinë e Belerit nga Progonati.

Grek apo shqiptar? Kjo është çështja sot.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56