Mediat greke kanë zbardhur ngjarjen që ndodhi në janar të vitit të kaluar ku u përfshi mafia shqiptare. Dy shqiptarët e arrestuar, Bledar Jambelli dhe Kristaq Leci rezultojnë me precedentë të rëndë kriminalë, ndërsa ishin të dy të shpallur në kërkim nga autoritetet shqiptare për porositjen e vrasjes së Komisarit Artan Cuku në vitin 2017.
Në ngjarje u përfshi edhe 34-vjeçari shqiptar Kristaq Leci, në bisedën telefonike të të cilit dëgjohet që i thotë një personi të panjohur se një bashkatdhetar i tij kishte qëllim t'i zhvaste 5 mijë euro. Në rast se nuk do ia kthente, thoshte se do e godiste me thikë. "Do ta ther me thikë, do t'i q* motrën", dëgjohet në një bisedë telefonike.
Pasditen e 22 janarit, dy të pandehurit u bashkuan me një grup me qëllimin për të takuar dy nga viktimat e tyre, të shoqëruar nga tre persona të tjerë, në furrën e bukës në Vula, për të diskutuar mosmarrëveshjet e tyre. Në takim dy nga të akuzuarit dhe dy nga personat që mbetën të plagosur u ulën për të biseduar, por menjëherë pas kësaj u përplasën. Të pandehurit kanë nxjerrë armë zjarri dhe një thikë dhe kanë plagosur pesë persona. Më pas ata u larguan me një makinë.
Si ndodhi ngjarja
Pasditen e 22 janarit, shqiptari 42-vjeçar Bledar Jambelli që kishte 13 mbiemra dhe 10 emra, së bashku me Marsel Bashimin, 35-vjeçarin shqiptar me tre mbiemra dhe bashkatdhetarin e tyre 34 vjecar Kristaq Leci e 2 persona të tjerë iu bashkuan grupit dhe do të takoheshin me dy shqiptarë në një furrë buke në Vula për të zgjidhur mosmarrëveshjet e tyre që lidheshin me paratë.
Dy viktimat shqiptare po udhëtonin me automjet shkuan në furrën e bukës për tu takuar me Jambellin. Ata po shoqëroheshin nga tre të huaj dhe tre grekë, të cilët i ndiqnin duke lëvizur me tre automjete.
Shqiptarët që ishin të armatosur, lanë makinat e tyre pranë furrës së bukës dhe morën taksi për të shkuar në takim. Vetëm dy shqiptarët zbritën nga automjetet për tu takuar me grupin tjetër. Me të mbërritur u ulën në një tavolinë me palën tjetër jashtë furrës së bukës. Dy persona të panjohur, që shoqëronin të akuzuarit, pas një gjesti të një shqiptari nga gruoi tjetër, janë afruar shumë me njëri-tjetrin, duke marrë masa të dukshme sigurie. Menjëherë, u afruan mbështetësit e grupit me grekë dhe shqiptarë që po qëndronin në pjesë të ndryshme jashtë furrës.
Rreth orës 17:30 nisi përplasja që mund të përfundonte në vrasje pasi Kristaq Leci goditi me grusht kundërshtarin. Viktima e kuptoi se ishin të armatosur dhe tentoi të ndërhynte për të ndaluar 34-vjeçarin duke e përqafuar. Kjo nuk ndali asgjë. Sulmuesi nxori thikën dhe nisi ta godiste. Shqiptarët e shoqëruar me grupin me grekë e të huaj e kuptuan se gjithçka do të përfundonte keq dhe nxorrën sendet e forta që kishin fshehur në trup për të goditur kundërshtarët. Por në atë moment Kristaq Leci nxori armën.
Nga të shtënat e Lecit, u plagos njëri prej shqiptarëve, i cili u fut menjëherë në dyqan për t'u fshehur. Nga përleshja, Leci goditi me thikë edhe shqiptarin e dytë. Të dy grupet u përfshinë në konflikt duke sulmuar njëri-tjetrin me thika e duke gjuajtur me karrige. Pas skenës së përgjakshme, dy shqiptarët e arrestuar hipën në taksi dhe u larguan, i treti u arratis në këmbë me dy autorët e panjohur.
Lajme të tjera
-
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Kryeministri grek: Masa ndaj rrjeteve sociale, por jo bllokime të rrepta
23 Dhjetor, 16:35 -
Bie numri i shqiptarëve me leje qëndrimi në Greqi
23 Dhjetor, 16:14
-
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
Shpërndanin drogë në Greqi, 4 të arrestuar, mes tyre dy shqiptarë
22 Dhjetor, 11:14 -
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
Arrestimi në Gjermani, Florian Marku në pritje të ekstradimit drejt Greqisë! Priten 6 muaj burg
19 Dhjetor, 12:47
-
Greqi/ Çmontohet organizata shqiptare e vjedhjes së makinave luksoze! I sillnin me targa false në vendin tonë, drejtuesi shqiptar u plagos (FOTO+VIDEO)
19 Dhjetor, 12:18 -
Dosja me përgjime/ Si i rekrutonte 'Mondi' nga qelia 'çunat' shqiptarë, për të kryer krime dhe vrarë dejtorin e Burgut të Janinës (FOTO+VIDEO)
19 Dhjetor, 11:39
