POP 5

Lajmet më të lexuara të 5 minutave të fundit

Bota

Greqia akuzohet se po braktis emigrantët në det të hapur

AP: 37 emigrantët afganë të gjetur në 12 shtator u braktisën në det

Pak minuta shpresë për një jetë më të mirë dhe pastaj e gjetën vetën në det të hapur, të zhgënjyer dhe të frikësuar në lidhje me të ardhmen e tyre. Gazetarët e Associated Press në një operacion të përbashkët me rojën bregdetare turke më 12 Shtator njoftuan se një grup emigrantësh afganë, mes tyre dhe 18 fëmijë, u lanë në det të hapur nga trupat kufitare greke.

Ata tanimë rrëfejnë se ata kishin arritur në Lesbos, ku keqtrajtuan nga pala greke të cilët i larguan.

“Na morën telefonat dhe na thanë se do vijë një autobus që do të na merrte e të na çonte te kampi, Por përkundrazi ata na morën dhe na hipën në një anije e më pas na lanë në det”. thotë Omid Hussain Nabizada njëri nga emigrantët.

Turqia, e cila po strehon rreth 4 milionë refugjatë, ka akuzuar Greqinë se po kthen emigrantët ndërsa i ka drejtuar akuza dhe Bashkimit Europian se “po bën një sy qorr” në atë që i ka cilësuar si shkelje flagrante e të drejtave të njeriut. Ndërkohë që në një njoftim  publik të rojes kufitare turke  thuhet se vetëm këtë muaj kanë shpëtuar mbi 300 emigrantë “që janë kthyer nga autoritetet greke drejt ujërave turke”.

Në mars, Turqia kërcënoi se do të hapte dyert me BE për të lejuar kalimin e emigrantëve në Europë dhe për ditë me radhë emigrantët sirianë qëndruan në kufirin ndarës Turqi-Greqi.   Grupet e të drejtave të njeriut, duke përfshirë dhe agjencinë e Kombeve të Bashkuara për refugjatët, i kanë bërë vazhdimisht thirrje Greqisë që të hetojë “raportet e besueshme dhe dëshmitë e këtyre dëbimeve”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Nga ulja 30% e taksës mbi ndërtesën, pezullimi i financimit të inceneatorit, Teliti prezanton 27 amendimet e PD për buxhetin e Tiranës

Nga ulja 30% e taksës mbi ndërtesën, pezullimi i financimit të inceneatorit, Teliti prezanton 27 amendimet e PD për buxhetin e Tiranës

18 Dhjetor, 16:28