POP 5

Lajmet më të lexuara të 5 minutave të fundit

Ekonomi

Greqia bllokon autobusët me
Shqipërinë, u hiqet liçenca 22 linjave

Ministria greke e Transportit ka bllokuar dje të gjitha linjat e udhëtarëve që lidhin Greqinë me Shqipërinë nga pika kufitare e Kakavijës
Greqia bllokon autobusët me <br />Shqipërinë, u hiqet liçenca 22 linjave
ATHINE- Ministria greke e Transportit ka bllokuar dje të gjitha linjat e udhëtarëve që lidhin Greqinë me Shqipërinë nga pika kufitare e Kakavijës. Fjala është për 22 linja pasagjerësh, pronarët e të cilave janë njoftuar nëpërmjet një faksi se u hiqet menjëherë licensa. Sipas zyrtarëve, vendimi u mor si masë shtrënguese ndaj 22 kompanive greke, që kanë lejë të ushtrojnë biznes në linjat e udhëtarëve midis Greqisë e Shqipërisë, të cilat nuk munden t'u përmbahen detyrimeve ligjore, tepër të rënda, sipas tyre, gjë që automatikisht penalizon partnerët e tyre shqiptarë, pa iu dhënë asnjë afat kohor të gjejnë partnerë të tjerë ose të sigurojnë të paktën lëvizjen për udhetarët që kanë prerë më parë biletë.

Ky zhvillim pritet të krijojë situatë kaotike në pikat kufitare, ndërsa bizneset e transportit që kanë investuar në këtë sektor prej vitesh përballen me rrënim ekonomik. Edhe pse, sipas ligjeve greke, përpara penalizimit të një biznesi, palët duhet të thirren për të dhënë shpjegime, në këtë rast ministria greke ka reaguar ashpër, duke lënë hije dyshimi se, mbas vendimit të saj fshihen favorizime ndaj kompanisë së linjave të brendëshme greke, KTEL, çmimet e së cilës për të njejtën distancë kilometrike janë dyfish më të larta se ato që kompanitë shqiptare aplikojnë aktualisht.

Drejtori i Osumi Travel, Andrea Maramathias, deklaroi dje se "na habit fakti që ministria, në mënyrë të nxituar dhe pa precendent, veproi duke na hequr lejen. U bëjme thirrje të mos na dëmtojnë bizneset, pikërisht në këtë kohë, kur vendi ynë po kalon krizë. Duhet të hetohet kush përfiton nga ky vendim", u shpreh ai.
(shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK, arrestohet në Itali 'truri financiar' Bujar Shega! Kush është biznesmeni nga Peqini dhe lidhjet e tij me Suel Çelën

Operacioni i SPAK, arrestohet në Itali 'truri financiar' Bujar Shega! Kush është biznesmeni nga Peqini dhe lidhjet e tij me Suel Çelën

25 Nëntor, 18:08