Greqia quajti skandaloz lënien në burg të Belerit, reagon Xhaçka: Nuk e kuptoj si kanë të drejtë të diskutojnë vendimin e gjykatës

Ministrja e Jashtme, Olta Xhaçka ka reaguar pasi ministria e Jashtme greke e konsideroi skandaloz vendimin e gjykatës së Vlorës për të lënë në burg Fredi Belerin të akuzuar për blerje votash në Himarë.

Xhaçka shkruan se Greqia nuk duhet të vërë në diskutim vendimin e gjykatës brenda territorit të Shqipërisë, duke shtuar më tej se duhet të jenë më të përmbajtur në deklaratat e bëra.

"E vështirë të kuptohet se si miqtë tanë grekë kundërshtojnë një vendim gjykate në vendin tonë, kur provat e forta që ata kërkonin janë shumë të qarta. Fredi Beleri është kapur duke u përfshirë në aktivitet kriminal kundër zgjedhjeve të lira dhe të ndershme. Nuk e kuptojmë se si të pasurit shtetësi greke, mund ta përjashtojë atë nga ligji si shtetas i Shqipërisë. U bëjmë thirrje miqve tanë grekë të jenë të përmbajtur në deklaratat që nuk respektojnë institucionet e pavarura të vendit tonë."-shkruan Xhaçka.

Lajmi kryesor:

Fredi Beleri në burg, Greqia: Skandaloze, jo shtet i së drejtës! I përgjigjet Xhaçka: Respektoni vendimin e gjykatës, përmbahuni në deklarata

B.V/K.T./Shqiptarja.com

TAG:
• olta xhaçka