Greta Koçi feston sot ditëlindjen
Sa vjeç mbush këngëtarja?!

Ditëlindja e Greta Koçit ka qenë gjithnjë objekt batutash. Në një formë apo në tjetrën, këngëtarja, në sytë e publikut shqiptar ka ngelur ende 16 vjeç, mbase sepse ka dalë në skenë që në moshë fare të re. Por gjërat kanë ndryshuar dhe Greta e vogël që këndonte 'Kush ka faj' me Erion Korinin, sot mbush plot 24 vjeç.

Këngëtarja që synon karrierë në politikë, është uruar në Instagram nga motra e saj gjithashtu këngëtare, Eni Koçi. Kjo e fundit ka postuar një foto me motrën e madhe, duke i bashkangjitur një urim mjaft të ndjerë dhe prekës, që përshkruan më së miri marrëdhënien e dy motrave.

"Jam e bekuar dhe motra me krenare ne bote qe te kam ty. E sic e kemi then dhe vet ne duetin tone: "Motra eshte dora qe shtrihet kur rrezohesh, loti qe fshihet kur pikellohesh", ashtu jemi dhe do jemi gjithmone aty per njera tjetren."- ka shkruar Eni mes të tjerash në urimin e saj. 

Kujtojmë se projekti i fundit i dyshes ishte bashkëpunimi me titull “S’jam jetime”, të cilin e sollën në fillim të këtij viti, kurse Greta shumë shpejt pritet të vijë me një tjetër bashkëpunim me rreperin Gold AG.