POP 5

Lajmet më të lexuara të 5 minutave të fundit

Sociale

Gruaja në karrocë e vetme me 25 mijë lekë pension, lutje në kishë: Na mungon një fjalë e ngrohtë! Fisi e miqtë, hallet e tyre...por besoj se Zoti bën mrekulli

E paralizuar pas një aksidenti pesë vite më parë, Pranvera Balluku jeton vetëm me të motrën dhe me një pension 25 mijë lekë. E vendosur përballë sfidave, ajo ka humbur besimin tek njerëzit që sipas saj janë bërë të ftohtë e pa ndjenja, por beson fortë tek ngrohtësia shpirtërore, ndaj këtë Krishtlindje e gjejmë duke u lutur që bota të kthejë sytë te dashuria për njëri-tjetrin.
 

Në Shqipërinë e harmonisë unike fetare, Krishtlindja nuk fton në festë e lutje vetëm besimtarët e krishterë të cilët janë praktikantë të besimit. Pranvera është ortodokse nga e ëma. Thotë se nuk është praktikante, por në kishë, në këtë ditë të shënjuar, shpreson të gjejë atë që thotë se po i mungon prej kohësh, jo vetëm asaj, por gjithë shoqërisë: Vëmendja dhe ngrohtësia njerëzore!

Dikur mësuese muzike, tani në pension dhe në karrocë me rrota pas një aksidenti fatkeq 5 vite më parë, Pranvera jeton vetëm me motrën e saj. Të dyja iu bashkuan meshës së Krishtlindjes në Katedralen Ortodokse “Ngjallja e Krishtit” në Tiranë.
Në përballimin e vështirësive me të cilat e ka përballur jeta, ndihet e vetme, pa përkrahjen e njerëzve të dashur apo të shtetit.

 “Vetëm pensionin kam. Të ardhura s’kemi. Shkuam në spital dhe na thanë: ne nuk japim.  Nuk ia dalim. Ilaçet, doktori… Tani lum ai që është doktor. Me këtë pension 25 mijë lekë... I vijmë rrotull atij pensioni.”, - thotë Pranvera Balluku për "Report TV".

Ajo ndien mungesën e interesit nga shoqëria dhe të afërmit.

 “Shoqet e mia, farefisi të pyesin si jam, si s’jam. Kaq. Shoqëria ka hallet e veta, por se të vjen një shoqe në shtëpi nuk është keq.”, - vijon Balluku.

Pa u mbështetur në të mirat materiale, me ndjenjën e mallit për të afërmit dhe shoqërinë, dritën e shpresës për jetën Pranvera Balluku thotë se e gjen te shpirtërorja.

 “Ishallah na ndihmon Kisha. Tani shpresën në Zot e kena! Financiarisht, jo, s’të jep njeri, por të paktën të pyesin si je, si shkon.", - vëren ajo.

Megjithë dredhitë që jeta i ka bërë, Pranvera dëshiron të besojë te mrekullitë. 
 

"Ishallah më sjell mua njëherë shëndetin.”, - thekson ajo.

B.G/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ka dhe me keq: 25/12/2024 16:45

    Kam tezen me 103 mij lek pension e vetme femi nuk ka burri i ka vdek

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46