POP 5

Lajmet më të lexuara të 5 minutave të fundit

Kronikë

Protestat/ Procedohet për herë të dytë sekretari i PD-së, 6 të arrestuar, 6 në kërkim

Gazmend Bardhi është proceduar për herë të dytë brenda gjashtë ditëve. Pas protestës së ditës së shtunë në 16 mars, policia e Tiranës ka njoftuar se Bardhi është proceduar edhe për tubimin e sotëm para parlamentit.

TIRANE-Sekretari i Përgjithshëm i Partisë Demokratike, Gazmend Bardhi është proceduar për herë të dytë brenda gjashtë ditëve. Pas protestës së ditës së shtunë në 16 mars, policia e Tiranës ka njoftuar se Bardhi është proceduar edhe për tubimin e sotëm para parlamentit. Materialet janë referuar në prokurori si procedime në gjendje të lirë.

Ndërkohë që në total për protestën e sotme po hetohen 29 persona, 17 janë proceduar në gjendje të lirë, 6 janë arrestuar dhe 6 të tjerë janë shpallur në kërkim. Ata akuzohen për “Kundërshtim të punonjësve të policisë së rendit publik”, “Goditje për shkak të detyrës” dhe  “Prishja e qetësisë publike”.

Sipas policisë, ata kanë bërë veprime të dhunshme mbi institucionet Kushtetuese, mbi Policinë dhe për shkatërrim të pronës gjatë zhvillimit të protestës së opozitës nga Partia Demokratike dhe Lëvizja Socialiste për Integrim, ditën e sotme para parlamentit. Personat e arrestuar dhe ata që janë shpallur në kërkim, sipas policisë së Tiranës janë identifikuar në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor.

Në kërkim;
- J.Gj., 24 vjeç, nga Shijaku
- M.D., 24 vjeç, nga Mamurrasi
- A.K., 20 vjeç, nga Rrësheni
- B.D., 36 vjeç, nga Kavaja
- E.M., 26 vjeç, nga Kavaja
- D.P., 31 vjeç, nga Tirana

Protesta e sotme ishte e gjashta për opozitën. Tubimi nisi para parlamentit rreth orës 09:30 më pas u zhvendos përpara Drejtorisë së Policisë së Tiranës ku liderët opozitarë kërkuan lirimin e protestuesve të shoqëruar nga policia, për t'u mbyllur më pas protestën përpara selisë së Partisë Demokratike. Por pasdite, simpatizantët dhe drejtuesit e PD-së u rikthyen sërish te Drejtoria e Policisë së Tiranës. Rreth orës 17:30, grupi i banorëve të Unazës së Re që protestojnë kundër projektit, të drejtuar nga Klevis Balliu i Partisë Demokratike marshuan drejt policisë së Tiranës, pikërisht për të kërkuar lirimin e Dorjan Protoduarit, që është njëri prej personave të arrestuar për protestën e sotme,  por edhe personave të tjerë që u shoqëruan.

Pas mbërritjes te Drejtoria e Policisë së Tiranës me protestuesit u bashkuan edhe sekretari i Përgjithshëm i PD, Gazmend Bardhi, si dhe ish-deputetët e Partisë Demokratike Albana Vokshi, Endri Hasa, Gent Strazimiri e Andon Frrokaj. Ata qëndruan deri rreth orës 21:00, kur u liruan për t'u hetuar në gjendje të lirë tetë nga protestuesit (në total 17), por jo Dorjan Protoduari, i cili është një personazh i njohur për policinë, pasi është ndaluar edhe herë të tjera pas incidenteve te Unaza e Re. "Këta djem janë për t'u dekoruar. Bravo u qoftë! Këta heronj protestojnë për zgjedhje të lira. Do apo nuk do ky palaço të hapë veshët, protesta do të vazhdojë" tha Klevis Balliu.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilo: 22/03/2019 13:10

    Une habitem qe lene akoma te lire kete qe ben si i forte kur ne te vertete ne qe e njohim e dime qe me nje shuplake i mbush

    Përgjigju
  • tori: 22/03/2019 09:11

    O Maximus:Ti kujton se popull jeni vetem ju qe mbroni qeverine?Gabohesh,jemi edhe ne qe jemi kunder kesaj qeverie sepse nuk na perfaqeson.

    Përgjigju
  • Populli: 22/03/2019 06:19

    Po kapeni ca prisni keni frik i gushtarak deti se na e shpifen habitem si i ven njerezit prapa

    Përgjigju
  • Robshi: 21/03/2019 22:21

    Shpejt do këtë një ligj për dëmshpërblimin e të përndjekurve politikë të regjimit edvinist...

    Përgjigju
  • Demi: 21/03/2019 21:34

    Vetem 10 ore burg dhe dalin jash t

    Përgjigju
  • Maximus: 21/03/2019 21:07

    Jam dakort me te drejten per te protestuar, shume shume mire bejne! Nuk jam dakort me sulmit kunder Policise se shtetit pasi keta qe protestojne kane miratuar kufinjte ligjore te protestare! Ça do te thote kjo?!!!! I bie qe te kontestojme shtetin ejjjjjjjj! Shteti eshte i yni Nuk eshte i partive! O popull thirrini mendjes!!!!!!!

    Përgjigju
  • tori: 21/03/2019 19:47

    gjykata ta 'DEKUROJ" ME 10VJET BURG

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43