TIRANË- Enkelejd Alibeaj do të jetë bashkëkryetar së bashku me Damian Gjiknurin në Komisionin e Reformës Zgjedhore, e ndërsa Dhurata Çupi nga PD-ja do të bashkëdrejtojë Komisionin e Reformës Territoriale së bashku me Benet Becin nga socialistët. Grupi Parlamentar demokrat i Enkelejd Alibeaj, ka lënë mënjanë "hallet" e brendshme të partisë dhe kanë përcaktuar sot përbërjen e 2 komisioneve, që janë konsideruar si “kuajt e betejës” së opozitës.
Pjesë e grupit të Reformës Zgjedhore, do të jetë edhe deputeti Oerd Bylykbashi, që njihet si mbështetës i Sali Berishës dhe për Alibeajn, kjo nuk është provokim. Të dy komisionet do të jenë bipartizan, me nga 16 anëtarë dhe do të bashkë kryesohen nga një përfaqësues të PD dhe PS, teksa socialistët nuk i kanë dorëzuar ende emrat për 'Territorialen'.
"Nuk është provokim jo. Emrat që janë vendosur aty dinë dhe çfarë të japin por shihni dhe reformën territoriale", tha Alibeaj.
Nga ana tjetër, në mbledhjen e sotme është përcaktuar edhe përbërja e Komisioni Hetimor për Investimet Strategjike ku kryetar është përcaktuar Gazment Bardhi. Mirëpo kjo është paksa e paqartë sepse grupi i PD-së nuk e ka marrë "okay" nga Konferenca e Kryetarëve për ngritjen e këtij Komisioni Hetimor, sepse nuk i ka pasur firmat e mjaftueshme siç parashikohet në Kushtete. Nga 35 ka pasur 34 firma të deputetëve, ku sipas burimeve është tërhequr Agron Duka, sepse nuk ishte dakord me objektin e hetimit ku ishin përmendur emra konkret investitorësh dhe jo problemet me ligjin për investimet strategjike në tërësi. Për këtë arsye, PD-ja ka thënë se do e ridërgojë me firmat e plota që janë të nevojshme.
Gazment Bardhi që është edhe inciatori për ngritjen e këtij Komisioni, ka thënë qartë që qëllimi është që me anë të kësaj të kuptohet që shqiptarët do të shohin sesi pronat publike po ndahen tek familjarët e ministrave, tek miqtë e Edi Ramës dhe tek një grusht oligarkësh pranë tij.
Komisioni për Reformën Territoriale
1. Dhurata Cupi (bashkëkryetare)
2. Zef Hila (anëtar)
3. Andia Ulliri (anëtar)
4. Xhelal Mziu (anëtar)
5. Orjola Pampuri (anëtar)
6. Saimir Korreshi (anetar)
7. Merita Bakiu (anëtar zëvendësues)
8. Bledion Nallbati (anëtar zëvendësues)
9. Zheni Gjergji (anëtar zëvendësues)
Komisioni për Reformën Zgjedhore
1. Enkelejd Alibeaj (bashkëkryetar)
2. Oerd Bylykbashi (anëtar)
3. Grida Duma (anëtar)
4. Dashnor Sula (anëtar)
5. Kreshnik Collaku (anëtar)
6. Lindita Metaliaj (anëtar)
7. Seladin Jakupllari (anëtar zëvendësues)
8. Ervin Salianji (anëtar zëvendësues)
9. Eralda Bano (anëtar zëvendësues)
Komisioni Hetimor për Investimet Strategjike
1. Gazment Bardhi (kryetar)
2. Ferdinand Xhaferaj (anëtar)
3. Lefter Geshtenja (anëtar)
4. Ilda Dhori (anëtar)
5. Emilia Koliqi (anëtar)
6. Bledion Nallbati (anëtar)
7. Arbi Agalliu (anëtar)
8. Kastriot Piroli (anëtar zëvendësues)
9. Jorida Tabaku (anëtar zëvendësues)
10. Ramadan Likaj (anëtar zëvendësues)
Në mbledhjen me grupin parlamentar të PD, Enkelejd Alibeaj ka propozuar Oerd Bylykbashin si anëtar të Komisionit të Reformës Zgjedhore. Ndonëse Bylykbashi, mbështetës i Berishës, nuk e njeh si kryetar të grupit parlamentar të PD, Alibeaj tha se nuk bën asgjë për provokim.
“Nuk jam unë nga ata që vendos një emër me idenë që po provokoj. Bylykbashi është si të thuash një lloj eksperience, një lloj magazine e asaj se cfarë ka ndodhur jo vetëm në këto vite por shumë më tepër se kaq dhe besoj që e ka përvojën, aftësinë edhe dëshirën për të kapërcyer këto gjërat e vogla për një gjë që të gjithë biem dakord se duhet bërë. Nuk është provokim jo. Emrat që janë vendosur aty dinë dhe cfarë të japin por shihni dhe reformën territoriale. Nuk është provokim, është thjesht dhe vetëm hapësirë e mundësi për të kontribuar për disa gjëra që janë të përbashkëta. A më njeh, a s’më njeh, këto janë të tejkaluara. Nuk ka nevojë të më konfirmojë njeri që jam kryetar i grupit parlamentar të PD.
Lajme të tjera
-
Buxheti 2025 gati për votim/ Deputetët e pavarur 8 propozime! Agalliu: Më shumë para për ish të përndjekurit, të rritet fondi për pensionistët
15 Nëntor, 18:37 -
10 vjet ‘Territoriale’, qeveria: Bashkitë ulën borxhet me 61%! Ende 48 mln euro fatura të papaguara! Haxhimali: Duhet riparë, kemi bashki për qëllime elektorale
15 Nëntor, 16:25
-
Verifikimi i kandidatëve për zgjedhjet 2025/ Autoriteti i Dosjeve: Partitë të dorëzojnë emrat 70 ditë para
12 Nëntor, 14:09 -
Gjykata Kushtetuese rrëzon kërkesën e Sali Berishës për përjashtimin nga çështja e tij të gjyqtares Marsida Xhaferllari
6 Nëntor, 15:32 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
'Konflikt interesi', Berisha kërkon përjashtimin nga çështja e tij të partneres së Enkelejd Alibeajt, gjyqtare e 'Kushtetueses'
24 Tetor, 16:27 -
‘Jo ditë për të hapur shampanjën’ Opozita: Negociatat drejt BE, hap i vonuar!
15 Tetor, 15:59
-
Partia që i gris Berishës, fasadën e bashkimit dhe i heq monopolin e opozitës
13 Tetor, 22:21
-
‘Djathtas 1912’, Kulluri i përgjigjet sulmeve të Berishës: S’na kishte marrë malli për fjalimet e shokut Enver! Te ne s’ka njerëz të përfshirë me krimin, gjeji te oborri jot
13 Tetor, 11:58 -
Spahiu: Partitë e reja të bashkohen dhe të nxjerrin një kandidat për kryeministër më të mirë se Berisha-Rama
12 Tetor, 17:38 -
'Djathtas 1912' Alibeaj parti të re me anti-berishistët e pa Bashën: Sot duhet një entitet i ri djathtas! Kulluri: Po koalicionit me partitë opozitare por Saliu s'ka vend
12 Tetor, 08:24 -
Alibeaj ‘thumbon’ grupin e Bardhit pas bashkimit me Berishën: Qëndrimet nuk ndryshojnë me stinët, kërkoni karrige si parazitë! Ja çfarë më ndau nga Basha
17 Shtator, 14:23
