Shtatë ushtarë pakistanezë janë vrarë dhe 17 të tjerë janë plagosur të shtunën nga një sulm militant në një post ushtarak në Pakistan, njoftoi ushtria pakistaneze.
“Terroristët e përplasën një veturë të mbushur me eksplozivë në një post, pastaj kryen sulme të shumta vetëvrasëse me bombë, duke shkaktuar shembjen e një pjesë të ndërtesës”, tha ushtria pakistaneze.
Banorët në provincën veriore të Pakistanit, Uaziristan, në afërsi të kufirit me Afganistanin, thanë se një shpërthim i fuqishëm i dridhi dyert dhe i dëmtoi dritaret e shtëpive të tyre mëngjesin e së shtunës.
Ushtria tha se pesë ushtarë vdiqën nga shpërthimi, ndërsa dy të tjerët nga të shtënat që pasuan. Të gjitha gjashtë sulmuesit u vranë gjithashtu, shtoi ajo.
Ushtria nuk tregoi se cili grup militant e kreu këtë sulm. Megjithatë, përgjegjësinë e mori grupi i porsakrijuar militant, Jaish-e Fursan-e Muhammad.
Liderët e Pakistanit, presidenti Asif Ali Zardari dhe kryeministri Shehbaz Sharif, e dënuan sulmin dhe i nderuan ushtarët e vrarë në të.
Uaziristani Verior ka qenë për kohë të gjatë vatër e operacioneve militante në të dyja anët e kufirit. Zyrtarët pakistanezë thonë se sulmet janë rritur në muajt e fundit, përgjegjësinë për shumicën e të cilave e ka marrë grupi taliban i Pakistanit, TTP.
Pasi talibanët e Afganistanit e morën pushtetin pas largimit nga ky vend të forcave të udhëhequra nga Shtetet e Bashkuara, shumë pjesëtarë të TTP-së kanë gjetur strehë në Afganistan, duke e përdorur atë për të kryer sulme të shpeshta ndaj trupave dhe civilëve pakistanezë.
Kjo i ka dëmtuar marrëdhëniet mes Islamabadit dhe qeverisë së udhëhequr nga talibanët në Kabul, e cila e mohon se Afganistani po përdoret nga militantët./ REL
Lajme të tjera
-
Erdhi për turizëm, Shqipëria rrezikon të ekstradojë pakistanezin e dënuar me vdekje (EMRI)
19 Shtator, 15:19
-
Vriten 23 persona në një sulm në jugperëndim të Pakistanit
26 Gusht, 08:26 -
Pakistan/ Persona të armatosur vrasin 11 policë! 7 të tjerë plagosen
22 Gusht, 22:11 -
Pakistani arreston liderin e Al-Kaidës për plane sabotuese
19 Korrik, 13:29 -
Qeveria hedh për konsultim projektvendimin, 32 milionë euro për fortifikimin dhe menaxhimin e kufirit në dy vite
31 Maj, 22:27 -
ish-kryeministri pakistanez Imran Khan dhe gruaja e tij dënohen me burg për martesë të jashtëligjshme
3 Shkurt, 15:31 -
Zgjedhjet në Pakistan, ekzekutohet kandidati i pavarur! ISIS merr përgjegjësinë për sulmin
1 Shkurt, 12:52 -
Ish-kryeministri pakistanez dënohet me 10 vjet burgim
30 Janar, 11:41 -
Një sulmues në Iran vret 9 persona afër kufirit me Pakistanin
27 Janar, 16:06 -
Pakistani dhe Irani synojnë shtensionimin e situatës pas sulmeve reciproke
19 Janar, 19:53 -
Në burg për korrupsion, ngrihet aktakuzë e re kundër ish-kryeministrit pakistanez Imran Khan
3 Janar, 17:24 -
Pakistani ndalon të gjitha festimet për Vitin e Ri, në shenjë solidariteti me palestinezët
31 Dhjetor 2023, 17:00
