POP 5

Lajmet më të lexuara të 5 minutave të fundit

Kosova & Rajoni

Guajana njeh Kosovën

Ministri i Punëve Jashtme të Kosovës, Enver Hoxhaj, përmes një bisede telefonike që ka zhvilluar sot me ministren e Punëve të Jashtme të Guajanas, Carolyn Rodrigues–Birkett është informuar për vendimin e Qeverisë së Guajanas për të njohur shtetin e pavarur dhe sovran të Kosovës.
Ministri i Punëve Jashtme të Kosovës, Enver Hoxhaj, përmes një bisede telefonike që ka zhvilluar sot me ministren e Punëve të Jashtme të Guajanas, Carolyn Rodrigues–Birkett është informuar për vendimin e Qeverisë së Guajanas për të njohur shtetin e pavarur dhe sovran të Kosovës.

Ministri Hoxhaj në muajin shkurt, gjatë samitit të Organizatës për Bashkëpunim Islamik që është zhvilluar në Egjipt, ka zhvilluar një takim me ministren Carolyn Rodrigues–Birkett.

Gjatë këtij takimi, ministrja Rodrigues-Birket pat shprehur mbështetjen e shtetit të saj për Kosovën, duke premtuar lëvizjen e shpejt të Guajanës drejt njohjes së Kosovës.

Ministri Hoxhaj ka zhvilluar disa vizita në Amerikën Qendrore dhe Jugore në përpjekje për t’i bindur shtetet e kësaj pjese të botës që ta njohin pavarësinë e Kosovës.

Guajana, është një shtet i pavarur në bregun verior të Amerikës Jugore. Është shtet anëtar i Komunitetit të Karaibeve, i njohur si CARICOM dhe në kryeqytetin e saj, Xhorxhtaun, ndodhet selia e sekretariatit të kësaj organizate.

Ky shtet është po ashtu anëtar i Unionit të Kombeve të Amerikës Jugore, Kommonuealthit si dhe nga viti 1966 është anëtar i Kombeve të Bashkuara.

Me një sipërfaqe prej 215,000 kilometra katrorë, Guajana ka një popullsi prej 770,000 banorësh.

*Marrë nga Express

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07