Pritja mori fund. Për herë të parë në historinë e klubit Manchester City është shpallur kampione Europe. Klubi i sheikëve i drejtuar nga Pep Guardiola arriti të mposhtë në finalen e Champions League të zhvilluar në Stamboll Interin me rezultatin 1-0. Italianët përkundër pritshmërive u paraqitën mjaft dinjitoz në fushë, ndërsa episodi që përcaktoi ndeshjen më të rëndësishme të futbollit europian ishte në minutën e 68 nga Rodri.
Edhe pse pati disa raste të mira, fillimisht me Di Marco-n dhe më pas me Lukakun, Interi nuk arriti ta dërgonte ndeshjen në shtesë, ndërsa vërshëllima e trefishtë e arbitrit bëri që të shpërthente festa e madhe te britanikët. Lot gëzimi te Manchester City, ndërsa trishtimi te italianët.
Më këtë triumf Guardiola u bë trajneri i parë në histori që fiton tripletën me dy klube pas Barcelonës, ndërsa për Interin kjo ishte finalja e 6 në histori. Pas ndeshjes trajneri spanjoll i City-t deklaroi ‘se më fund ia arriti ta fitojë këtë trofe të vështirë’, ndërsa me shaka i kërkoi Realit ta ketë frikë, pasi për pak vite do ti afrohet ndjeshëm.
Sakaq trajneri i Interit Simone Inzaghi tha se ‘futbollistët e tij u treguan të magjishëm’, ndërsa kërkoi vazhdimësi që këtë sezon ta përsërisin edhe në të ardhmen. As presidenti Zhang nuk e bëri dramë, duke deklaruar se ‘është krenar për ekipin’ dhe sa ‘ka nisur punë për të ndërtuar një Inter më konkurues sezonin e ardhshëm’.
Humbja 1-0 në finalen e Champions League mërziti shumë tifozët e Interit, por megjithatë shumë u ndienjë krenar për lojën që skuadra bëri. Në këtë grup bën pjesë edhe presidenti Stiven Zhang, i cili pasi uroi Manchester City-n tha se ka nisur puna për një Inter akoma më kompetitiv për sezonin e ardhshëm.
“Është pjesë e sportit të fitosh dhe të humbësh. Dua të falënderoj të gjithë stafin dhe lojtarët për një lojë të jashtëzakonshme. Dhe urime Cityt për sezonin e tyre. Jemi krenarë që luajtëm në këtë finale, kemi luajtur kundër më të mirëve dhe pa frikë kemi demonstruar cilësitë tona.
Mentaliteti i lojtarëve tanë është i nivelit të lartë dhe kjo duket. Ne nuk jemi inferiorë ndaj askujt. E ardhmja? Është një sezon pozitiv për të reflektuar. Tashmë kemi filluar të planifikojmë për të ardhmen, tashmë po punojmë për sezonin e ardhshëm. Lojtarët që kanë pasur një sezon të mirë do të vazhdojnë me ne,”-tha ai.
Guardiola shkroi histori duke u bërë trajneri i parë që fiton 2 tripleta me 2 skuadra të ndryshme. Triumfi i Sitit ndaj Interit në finalen e Championsit, është përshëndeture dhe nga ish-skuadrat e trajnerit spanjoll.
“Një herë kampion, gjithmonë kampion”, është postimi që Barcelona i ka dedikuar ish-trajnerit duke i bashkangjitur edhe një foto nga koha kur ai fitonte Championsin me katalanasit.
Ndërkohë, edhe Bajerni i Mynihut e ka uruar trajnerin spanjoll.
“Urime për Pep Guardiolën dhe Barcelonën për Championsin e fituar”, shkruan klubi bavarez. Bajerni ishte pikërisht një nga skuadrat që Siti arriti të eliminonte në rrugën drejt suksesit. Dy skuadrat u përballën në çerekfinale, aty ku Siti fitoi me rezultatin e përgjithshëm 4-1.
Pas humbjes në Champions League, Simone Inzagi premton se Interi do të tentojë të kthehet përsëri në finalen e Ligës së Kampioneve. Trajneri i zikaltërve thotë se është krenar me skuadrën e tij dhe se ata bënë një ndeshje krenarie. Për ‘Sky Sport’, Inzagi tha se rrugëtimi në Champions ka qenë i shkëlqyer dhe se e meritojnë kthimin.
“U bëra komplimente djemve, kanë qenë të jashtëzakonshëm, kanë bërë një ndeshje të madhe. Kemi humbur një finale që e dëshironim me çdo kusht, por duhet të jenë krenarë. Nuk do i ndërroja këta lojtarë me asnjë dhe sot e gjithë bota e pa përse. Kemi lejuar pak kundër një skuadre shumë të fortë. Ka shumë pengje, por duhet të jemi krenarë. U kam dhënë një përqafim të madh, ashtu si tifozët tanë. Tifozët kanë festuar në Milano sikur Interi të kishte fituar? E gjithë bota e pa që Interi hodhi në fushë një ndeshje krenarie. Lojtarët janë të trishtuar por futbolli është i tillë. Duhet të jemi krenarë të rrugëtimit që kemi bërë me 5 finale në 20 muaj.
Kemi krijuar shumë situata dhe në 20 minutat e fundit me traversën dhe goditjen e kthyer nga Lukaku, pyet veten se si topi nuk hyri. Unë do të kisha dashur kohët shtesë, skuadra do i kishte merituar. Kemi bërë një rrugëtim të madh dhe e kemi parë sot në fushë. Sitin e njohin të gjithë, të dhemb, rrugëtimi në Champions ka qenë i shkëlqyer dhe duke luajtur kështu një finale, duam të kthehemi, pasi kemi mundësinë për ta bërë një gjë të tillë. Kemi luajtur 57 ndeshje, rrugëtimi është i jashtëzakonshëm” tha Inzagi pas ndeshjes.
Në finalen e Stambollit në stadiumin Ataturk Interi u mposht me rezultatin 1-0 nga Manchester City. Golin vendimtar e realizoi Rodri në pjesën e dytë, ndërsa italianët shpërdoruan disa mundësi për të rikthyer baraspeshën.
Gjithsesi në fund ishin anglezët ata të cilët festuan dhe fituan trofeun e parë të Champions League në histori, ndërsa kjo ishte finalja e 6 për Interin. 3 të fituara dhe 3 të humbura. Ndër të tjera për t’u theksuar trajneri Guardiola, i cili bëhet i pari në histori që fiton dy ‘tripleta’. Pas Barcelonës edhe me Manchester City-n
Komente
Lajme të tjera
-
Kristjan Asllani në formacionin e javës në Serie A
27 Nëntor, 11:20 -
Në krye të Champions League dhe asnjë gol i pësuar, Inzaghi: Jemi për në finale, krenar për Interin
27 Nëntor, 10:43 -
I mërzitur dhe me prerje në fytyrë e kokë, habit Guardiola: Doja të lëndoja veten
27 Nëntor, 09:28 -
Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë
26 Nëntor, 22:57 -
Sot Champions League, Milan dhe Barcelona e kanë të lehtë në letër! Inter e City në shtëpi, spikat Bayern Munich - PSG
26 Nëntor, 10:21 -
Halaand humb shënjestrën, 2 gola në 7 ndeshje! Vuan nga ‘mallkimi’ i Artetës
25 Nëntor, 12:45 -
GOLAT/ Real Madrid rikthehet 'Galaktik', fiton 0-3 në derbin e vogël dhe kërcënon Barçën! Mbappe gjen rrjetën
24 Nëntor, 20:32 -
VIDEO/ Presidenti i Real Madrid, Florentino Perez merr nëpër gojë Shqipërinë! Gënjen publikisht për votat e 'Topit të Artë'
24 Nëntor, 18:17 -
GOLAT/ Milan e Juventus 0-0 në një sfidë të shëmtuar, Atalanta fiton dhe merr kreun! Interi i jep 'shuplakë' Veronas
23 Nëntor, 20:00 -
GOLAT/ Man. City dhe Guardiola pesë humbje radhazi, pësojnë 'poker' nga Spurs! Chelsea dhe Arsenal marrin tri pikë dhe kërcënojnë kreun e Premier League
23 Nëntor, 16:42 -
Kristjan Asllani pret edhe një shans nga Interi, më pas në diskutim e ardhmja! Projektohet nga minuta e parë
22 Nëntor, 13:30 -
Ish-mesfushori i Interit, Guarin flet për luftën me alkoolin: Piva 70 birra në një natë, kam tentuar vetëvrasjen
21 Nëntor, 15:21
Interi me befasoi! Guardiola tranieri me i mire i te gjitha kohrave! Lojen qe qe ben Man City po e bejne pothuaj te gjithe sot!
PërgjigjuMerr teleskopin dhe ta sjell shume afer
Përgjigju