POP 5

Lajmet më të lexuara të 5 minutave të fundit

Ekonomi

Gusht, eksportet ngadalësojnë
ritmin e rritjes, ulet importi

Eksportet kanë ngadalësuar ritmet e rritjes në tetë muajt e parë të këtij viti, kryesisht për shkak të performancës negative të materialeve të ndërtimit.
TIRANË - Gjatë muajit gusht 2013 u eksportuan 18.2 miliardë lekë mallra, me ulje 25.3 për qind në krahasim me korrikun dhe rritje me 4.4 për qind në krahasim me gushtin 2012, njoftoi Instituti i Statistikave. Në të njejtin muaj, u importuan 42.3 miliardë lekë mallra, me ulje 12.7 për qind në krahasim me korrikun dhe ulje 7.5 për qind në krahasim me gushtin e vitit të kaluar.

Defiçiti tregtar i këtij muaji është 24.1 miliardë lekë, duke shënuar një rritje të papërfillshme krahasuar me muajin paraardhës dhe një ulje prej 14.8 përqindësh krahasuar me gushtin 2012.
 
Sipas këtyre shifrave, eksportet kanë ngadalësuar ritmet e rritjes në tetë muajt e parë të këtij viti, kryesisht për shkak të performancës negative të materialeve të ndërtimit, ndërkohë që grupmallrat “minerale, lëndë djegëse e energji” si dhe “tekstilet e këpucët” kanë vijuar me ecurinë e tyre pozitive, ndonëse eksportet e mineraleve,lëndëve djegëse e energjisë kanë ngadalësuar ritmet e rritjes.
 
Ndërkohë, me një sinjal se konsumi dhe investimet në vend vijojnë të jenë të frenuara, importet kanë vijuar tendencën e tyre rënëse me bazë vjetore për tetëmujorin. Importet po vijojnë për të dytin vit radhazi tendencën negative, një tregues i qartë i rënies së investimeve në ekonomi, me blerjet e makinerive, pajisjeve e materialeve të ndërtimit, që po vazhdojnë të tkurren.

Sipas INSTAT-it,  importet janë tkurrur me 5.3% me bazë vjetore për periudhën janar-gusht në 324 miliardë lekë, duke përshpejtuar sërish ritmet e rënies, pas një sinjali disi më pozitiv në korrik, ku importet u rritën me 1.2% në muajin në fjalë, në raport me të njëjtin muaj të vitit të kaluar.
 
Tregtia me vendet e BE zë 64.9 për qind të totalit. Partnerët kryesorë tregtarë vazhdojnë të jenë Italia dhe Greqia. Tregtia me Italinë ze 30.4 për qind, ndërsa me Greqinë 7.8 për qind.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aktivitetet kulturore/ Ekspozita ‘Tejdukshmëri ekzistenciale’ tek Kryeministria, aktiviteti ‘Janari në Festën e Filmit Shqiptar’ në Gjirokastër

Aktivitetet kulturore/ Ekspozita ‘Tejdukshmëri ekzistenciale’ tek Kryeministria, aktiviteti ‘Janari në Festën e Filmit Shqiptar’ në Gjirokastër

10 Janar, 10:25 nga Blerina Goce