“Gusht: Portret familjar” është drama me tri akte shkruar nga dramaturgu amerikan Tracy Letts, që do të ngjitet premierë në skenën e “arTurbinës” këtë të premte, nën regjinë e Spiro Dunit. Një dramë e fortë, që, sipas regjisorit Duni, pas saj, publiku nuk do të jetë më ai i njëjti. “Përzgjedhja e veprës është fillimi i punës në këtë profesion të mundimshëm dhe të dashur. Autori të lë të qeshësh, por aty në karrige ku je ulur, ti do dridhesh”, shprehet ai.
Ashtu si edhe në veprat paraardhëse që ai ka ngjitur në skenë, edhe “Gusht: Portret familjar” është një motiv, që e nxit shikuesin të reflektojë mbi problemet që shqetësojnë një familje moderne. Pavarësisht se vepra është shkruar dhe vendosur në një kontekst amerikan, problemet që ajo rrok, janë po aq të ndjeshme edhe për shoqërinë shqiptare, e cila është duke kaluar kriza të thella, sidomos për shkak të një ndryshimi radikal mentalitetesh mes brezave. Probleme që po reflektohen çdo ditë në mënyrat më të shumta dhe më të makabre, me krime brenda familjes apo me dëshira seksuale të ndrydhura, që shpërthejnë në forma perverse. Ashtu siç thotë dhe vetë regjisori, vepra e Tracy Letts nuk ofron një zgjidhje..
Ai ofron portretin e një familjeje, para së cilës secili duhet të gjejë diçka nga vetja, duke kuptuar se mëkati i prindit reflektohet në jetën e fëmijëve. Dhe çdo familje ka në dollap skeletet e veta. Edhe pas portreteve më të lumtura fshihet një fëmijëri e vështirë, raporte konfliktuale me prindërit, varësi nga alkooli, komplekse të akumuluara prej ëndrrave dhe dëshirave të parealizuara. Por në familjen Ueston, nuk ka nevojë të heqësh ndonjë perde apo të gërvishtësh në sipërfaqe për të zbuluar problemet. Ato janë tërësisht të dukshme dhe nuk mund të fshihen nga asnjë penelat buzëqeshjeje. Ato janë trashëguar brez pas brezi, nga gjyshi te nëna, nga nëna te vajzat, nga vajza te mbesa…
Lajme të tjera
-
Drama "7 minuta" me 11 aktore të njohura shfaqet në Lezhë
1 Shkurt, 20:18
-
Rrugëtimi fotografik, nostalgjia e të pathënat nga jeta e regjisorit Spiro Duni! Artisti në 'Esencë': Teatri është sëmundja që s'dua të shërohem
27 Dhjetor 2022, 19:31 -
SPECIALE/ Në provën gjenerale të Spiro Dunit, regjisori e aktorët rrëfejnë paskuintat, nga përgatitja e roleve tek 'E vërteta’ e Zeller në skenën e Teatrit Kombëtar
8 Prill 2022, 20:48
-
Falsifikuan dokumentet e pronave në Dhërmi dhe inskenuan vjedhjen e dosjeve, burg për Bardhyl Gjikën dhe Spiro Dunin, lihet i lirë specialisti
17 Tetor 2021, 09:42 -
Pronat në Dhërmi/ Zbuluan se ishin në hetim për falsifikim dhe inskenuan vjedhjen e dokumenteve në zyrat e Këshillit të Qarkut Vlorë! Në pranga drejtori i administrimit të tokës e 2 të tjerë
15 Tetor 2021, 08:50
