POP 5

Lajmet më të lexuara të 5 minutave të fundit

Ekonomi

Guvernatori Fullani:
Borxhi rritet në dhjeto

Qeveria e re do ta ketë të pamundur të frenojë deficitin buxhetor, i cili duhet të rritet nga fundi i këtij viti.
Guvernatori Fullani:<br />Borxhi rritet në dhjeto
TIRANË - Qeveria e re do ta ketë të pamundur të frenojë deficitin buxhetor, i cili duhet të rritet nga fundi i këtij viti. Ky ka qenë thelbi i deklaratave të guvernatorit të BSH Ardian Fullani, pas mbledhjes së Këshillit Mbikëqyrës. Ai theksoi se rritja e ekonomisë do të jetë në nivele të ulta, ndërsa do të ketë rritje të borxhit publik në fund të 6-mujorit të dytë të vitit. Sipas Fullanit, gjatë muajit gusht ka pasur një rënie të shpejtë të inflacionit vjetor, në nivelin 1.2%, ndërsa ecuria e çmimeve të konsumit reflekton kërkesën e ulët në ekonomi dhe kahun negativ të prodhimit.

Guvernatori i Bankës së Shqipërisë ka deklaruar se, në bisedime me misionin e Fondit Monetar Ndërkombëtar, është gjetur gjuhë e përbashkët dhe se alternativat që ka paraqitur BSH për përmirësimin e gjendjes ekonomike në vend janë të ngjashme me ato të FMN-së. “Diskutimet janë fokusuar mbi ekonominë shqiptare dhe perspektivat e saj, ku dua të citoj me pozitivitet që alternativat e Bankës së Shqipërisë do të jenë në të njëjtin drejtim me FMN-në. Sa u përket hollësive, të premten do të ketë një konfererencë t përbashkët, ku do të japim edhe rezultatet e punës së misionit. Ajo që bie në sy është një diskutim me një dakordësi të plotë dhe ku natyrisht shikohen rrugë të qarta për një strukturim afatmesëm dhe perspektiva të qarta afatgjata”, tha Fullani.
 
Bisedimet
Në bisedime me misionin e Fondit Monetar Ndërkombëtar është gjetur gjuhë e përbashkët dhe se alternativat që ka paraqitur BSH për përmirësimin e gjendjes ekonomike në vend janë të ngjashme me ato të FMN-së, theksoi guvernatori

Shkrimi u publikua sot (26.09.2013) në gazetën Shqiptarja.com (print)

Redaksia Online
(a.ç/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça