Këshilli mbikqyrës i Bankës së Shqipërisë vendosi të rrisë sërish normën bazë të interest nga 2.75% në 3%. Kjo rritje argumentohet me normën e lartë të inflacionit që vijon të mbizotërojë në ekonominë shqiptare, bëri të ditur Guvernatori Gent Sejko.
"Këshilli Mbikëqyrës i Bankës së Shqipërisë vendosi: të rrisë normën bazë të interesit, nga niveli 2.75% në nivelin 3.00%; të rrisë normën e interesit të kredisë njëditore, nga niveli 3.75% në nivelin 4.00%; të rrisë normën e interesit të depozitës njëditore, nga niveli 1.75% në nivelin 2.00%", tha Sejko.
Për Bankën e Shqipërisë shqetësim mbetet inflacioni ende në norma të larta, pavarësisht tendencëë në rënie që ka shfaqur në muajt e fundit. Sipas Sejkos, kjo rënie është nxitur nga inflacioni i importuar, teksa ekonomia ka njohur rritje.
"Kjo dinamikë është mbështetur nga rritja e të ardhurave të disponueshme, nga përmirësimi i besimit të biznesit e të familjeve, nga bilancet e shëndosha të sektorit privat, si dhe nga kushtet ende stimuluese financiare", tha Sejko.
Lajm i mirë, sipas Sejkos është rritja e rrogave në sektorin e privat me 14% në terma vjetor, çka ka nxitur rritjen e kërkesës për mallra e shërbime.
"Kjo rritje ka mbështetur zgjerimin e të ardhurave të disponueshme të familjeve shqiptare, ka ushqyer zgjerimin e konsumit familjar si dhe ka ndihmuar qëndrueshmërinë e rritjes ekonomike. Nga ana tjetër, ajo ka rritur kostot e prodhimit të biznesit dhe ka lehtësuar përcjelljen e rritjes së çmimeve nga tregjet e huaja në ekonominë vendase", tha Sejko.
Sejko tha se tregu sugjeron se inflacioni pritet të shënojë rënie graduale gjatë tremujorëve në vijim dhe të kthehet në objektiv gjatë mesit të vitit të ardhshëm. Po ashtu, rritja ekonomike pritet të jetrë pozitive, ndonëse ritmi parashikohet të shënojë një ngadalësim të lehtë gjatë vitit aktual.
Komente
Lajme të tjera
-
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21
Zoti ,Sejko je i sigurte per bankat ??!
Përgjigju