Ekonomia shqiptare ka shënuar një rritje progresive e cila bën të mundur rritjen e pagave në vazhdim.
 
Në daljen e përmuajshme para mediave, Guvernatori i Bankës së Shqipërisë tha se përgjatë gjithë vitit është shënuar rritje e konsumit dhe rënie e papunësisë, tregues që pritet të vazhdojnë në rritje.
 
"Aktiviteti ekonomik shënoi një rritje në 3.2%, ndërsa do të vazhdojë me rritje, ekonomia do jetë në ekuilibër.
 
Zgjerimi i kërkesës së brendshme u shoqërua me zgjerimin e importeve. Zbatim të plotë të masave për reduktimin e kredive me probleme" deklaroi Sejko.

Në fund të mbledhjes së Këshillit Mbikqyrës, Sejko e vuri theksin te niveli i ulët i realizimit të shpenzimeve qeveritare dhe nevoja për një shpërndarje më të njëtrajtëshme të tyre.

Këshilli Mbikëqyrës i Bankës së Shqipërisë vendosi që të mbajë të pandryshuar normën bazë të interesit, 1.25 %.


d.b/shqiptarja.com