Gvozdenovic kërkon të drejtojë në Superligë, trajneri i Skënderbeut: Nuk e mendonim se do arrinim këtu

Skënderbeu u shpall kampion i këtij sezoni në Kategorinë e Parë dhe edicionin e ri së bashku me Dinamon do jenë pjesë e Superligës. Pas barazimit 0-0 me Lushnjën në transfertë, trajneri i korçarëve, Ivan Gvozdenovic tha për Oversport se nuk e mendonin veten këtu. Kujtojmë se serbi u ul në stolin e korçarëve në mesin e nëntorit 2022, duke zëvendësuar Migen Memellin.

“Jam shumë i lumtur, por është e gjitha merita djemve. Ne ia arritëm të dyja objektivave, të ngjiteshim në Superiore dhe të merrnim titullin kampion. Jam shumë i lumtur së bashku me futbollistët dhe stafin teknik. Kur jam takuar me presidentin Takaj në fillim nuk e kishim menduar se do të arrinim këtu, por ishim me besim të madh. Më pati thënë që kemi djem të mirë dhe do të provojmë. Kemi kohë për Superioren, do bëjmë një ekip të mirë”, tha Gvozdenovic.

LEXO EDHE:
Duel kyç kundër Egnatias, Mehmeti: Nesër kemi dy mungesa, ja ku 'çalojmë'

Lajmi kryesor:

Skënderbeu kampion i Kategorisë së Parë, edhe Dinamo në Superligë! Mësohen skuadrat e zonës play-off dhe ndeshjet play-out

S.DH/Shqiptarja.com

TAG:
• Kategoria e Pare
• skenderbeu
• Dinamo
• flamurtari