Skënderbeu kampion i Kategorisë së Parë, edhe Dinamo në Superligë! Mësohen skuadrat e zonës play-off dhe ndeshjet play-out

Kategoria e Parë ka mbyllur sezonin 2022-23. Skënderbeu është kampion i këtij sezoni me 49 pikë, dy më shumë se Dinamo e vendit të dytë. Të dyja skuadrat sezonin që vjen e kanë siguruar të drejtën për të qenë pjesë e Superligës. Me verdiktet e javës së 26-të dhe të fundit, skuadrat që do diskutojnë zonën play-off për një vend tjetër në elitë janë Flamurtari, Tomori, Korabi dhe Apolonia.

Skuadrat që do përballen në play-out janë Lushnja dhe Burreli, teksa nga Kategoria e Parë janë rrëzuar Oriku, Turbina, Besëlidhja dhe Tërbuni. Në bazë të paraqitjeve në Kategorinë e Dytë, duelet play-out për një vend në Kategorinë e Parë do jenë Lushnja - Valbona dhe Burreli - Pogradeci.

Në përballjet e sotme, Skënderbeu barazoi 0-0 me Lushnjën, teksa Luzi mundi 1-0 Dinamon me golin e Ferraj. Në Vlorë, Flamurtari fitoi 3-1 me Apoloninë. Fierakët kaluan në avantazh me Omerin, ndërsa për kuqezinjtë përmbysën Ramadani, Silva dhe Souza.

Flamurtari i vendit të tretë do të luajë kundër Apolonisë një sfidë teke që do të luhet në qytetin e Vlorës, ndërsa Tomori i vendit të katërt do të presë në shtëpi Korabin e vendit të pestë në një ndeshje, që vlen një vend në finalen e play-off.

Në fushë neutrale do të luhen takimet e play-out Burreli-Pogradeci dhe Lushnja-Valbona, që do të vendosin se kush do të luajë në Kategorinë e Parë sezonin e ardhshëm. Ndeshjet e play-off do të luhen në datën 23 maj, ndërsa ato të play-out në 24 maj.

Kategoria e Parë, java 26-të:

16:00

Besa 3-0 Burreli

Flamurtari 3-1 Apolonia

Korabi 3-0 Besëlidhja (tavolinë)

Lushnja 0-0 Skënderbeu

Luzi 1-0 Dinamo

Turbina 1-2 Tomori

play-out

Lushnja - Valbona

Burreli - Pogradeci

Renditja:

Rendit zhvillimet sipas orarit:

Të Fundit Të Parat

S.Dh/KT/Shqiptarja.com

TAG:
• Kategoria e Pare
• skenderbeu
• Dinamo
• flamurtari