POP 5

Lajmet më të lexuara të 5 minutave të fundit

Kosova & Rajoni

Haga thërret deputetin e AAK-së, Thaçi kërkesë parlamentit për të zgjatur mandatin e Gjykatës Speciale

Deputeti i AAK-së, Haxhi Shala është thirrur për të dëshmuar në Gjykatën speciale me 8 shtator, njoftimin e ka dhënë vetë ai nëpërmjet një postimi. Menjëherë pas tij ka reaguar edhe Haradinaj i cili e ka quajtur thirrjen e tij në Hagë si përdhosje të luftës së Kosovarëve për liri.

Pas presidentit të Kosovës Hashim Thaci dhe kreut të PDK, Kadri Veseli, ka qenë radha e deputetit të Aleancës për Ardhmërinë e Kosovës, Haxhi Shala  për t'u thirrur nga Gjykata Speciale në Hagë në cilësinë e të dyshuarit. Njoftimin e ka dhënë vetë ai përmes një postimi në, Facebook,  i cili ka theksuar se do të merret në pyetje më 8 shtator.

“Tendencat për njollosjen e luftës dhe vlerat e UÇK-së janë të papranueshme. Sidoqoftë unë do t’i përgjigjem kësaj ftese, sepse e njoh mirë luftën tonë dhe arsyen e saj”, ka deklaruar ai.

Menjëherë ka reaguar edhe kreu i AAK-së Ramush Haradinaj, i cili e ka quajtur një sfidë për të dhe ka shprehur besimin se do ta kalojë me sukses atë.

Të hënën, presidenti i Kosovës, Hashim Thaçi, u ka kërkuar deputetëve të Kuvendit të Kosovës që t’ua zgjasin mandatin Dhomave të Specializuara në Hagë.

“Sado e dhimbshme, sado e gjatë, sado e padrejtë të duket në raste të caktuara, rruga e zbardhjes së çdo pretendimi për krime lufte si dhe rruga e pastrimit të njolla të vëna padrejtësisht mbi luftën tonë dhe veçanërisht mbi UCK-në, nuk kanë asnjë alternativë tjetër përveç rrugës së drejtësisë”.

Më 24 qershor, Zyra e Prokurorit të Specializuar  bëri publike një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Auron Tare: Kush e vrau Heroin e Revolucionit Grek Marko Boçari

Auron Tare: Kush e vrau Heroin e Revolucionit Grek Marko Boçari

27 Janar, 20:07 nga Auron Tare