Hajdari: Dakordësi për votën e diasporës për të votuar në 2021! Nuk heqim dorë nga ndryshimi i sistemit

Pas përfundimit të mbledhjes Rudina Hajdari tha se palët kanë arritur dakordësi për votën e emigrantëve, ndërsa theksoi se nuk do të heq dorë nga kërkesa e saj për ndryshimin e sistemit. Ajo tha se kërkesat e opozitës parlamentare do të shtohen si element në draftin që do të vij në Komisionin e Zgjedhores.  Në lidhje me votën e emigrantëve, Hajdari tha se ekspertët e kishin siguruar se mund të bëhen në zgjedhjet e 2021.

"Ka ende shpresë sa i përket ndryshimit të sistemit, atë që unë dhe shoqëria civile ka avokuar. Do të shkojmë deri në fund sa i përket kësaj kërkese. Në momentin që ndryshimet e Kodit, të shikojmë të gjitha ato propozimet. Votat e opozitës parlamentare janë të unifikuara. Ne kemi 39 vota. Pa këto elementë do të jemi prapë në vend numëro. Do kemi vetëm një reformë zgjedhore duke plotësuar vetëm disa kërkesa elementare si identifikimi biometrik apo disa anëtarë politik në KQZ.Sa i përket votës së diasporës, u shpreh vullneti i qartë politik për të patur këtë drejtë. Në këtë momente, ne kemi futur dy nene të posaçme që i japim kompetencën KQZ për ta realizuar këtë gjë. Kjo peshë do t’i bie qeverisë por edhe emigrantëve për t’u regjistruar për në zgjedhjet e ardhshme. Unë pyeta ekspertët nëse është e realizueshme", tha Hajdari.  

Lajmi kryesor:

'Shtëllunga' tymi të bardha, Këshilli Politik bie dakord për Kodin Zgjedhor! Gjiknuri: Ky ligj u shkrua nga PD! Hajdari: Dakordësi për votën e diasporës! PD/LSI: Siguruam votën e shqiptarëve

TAG:
• kqz
• Petrit Vasili
• reforma zgjedhore
• oerd bylykbashi
• damian gjiknuri
• Rudina Hajdari
• kodi zgjedhor
• Këshilli Politik për Reformën Zgjedhore