POP 5

Lajmet më të lexuara të 5 minutave të fundit

Politikë

Hajdari: Rama të shpërndante çek për çdo shqiptarë mbi 18 vjeç, zerim të faturave të dritave e ujit...Burgu të hapet për pushtetarët!

"Ndërkohë që gjithë bota këshillon që qytetarëve duhet t'i jepen më shumë shpresë, fjalë të mira, pozitivitet, ky kryeministër për një javë ka përdorur fjalën burg 674 herë"

Deputetja Rudina Hajdari tha se qeveria i ka lënë vetëm qytetarët në nevojë duke i shpërndarë pako ushqimore, kur në fakt sipas saj duhej të kishte bërë më shumë. Ajo thotë se qeveria do duhej t'i kishte shpërndarë qytetarëve shqiptarë mbi 18 vjeç nga një çek, të zeronte faturat e energjisë elektrike dhe të ujit të pijshëm dhe të mos kërcënonte qytetarët me burg por në këto momente të vështira edhe psikologjike, t'u fliste me fjalë pozitive. Burgjet sipas saj duhen hapur për pushtetarët.

Rudina Hajdari: Kryeministri thotë "Ti nuk do të jesh kurrë vetëm". Por ne si qytetarë ndihemi më vetëm se kurrë. Një familje në nevojë ka ndjerë efektet e menjëhershme të pandemisë se fëmijët në emigracion nuk janë në gjendje t'i japin ndihma.  Iu dha lëmoshë prej 26 mijë lekësh, ndërkohë që një familje që mbahej me një biznes i duhet të paguajë qiratë, dritat ujin, sigurimet shoqërore. Nuk i mbetet asgjë përvese të rrijë vetme  braktisur nga qeveria. Po ashtu edhe një familje e cila me pagat e bashkëshortëve që punojnë në një biznes të madh, sot janë pa punë. Nuk paguajnë dot asgjë, se gjendjen me këstin e shtëpisë së pashlyer apo detyrime të tjera që duhet t'i paguajnë. Këto kredi nuk po shtyhen se bankat nuk duan t'ia dinë se çfarë thotë kryeministri. Faturat e energjisë elektrike kanë ardhur më të kripura sesa kurrë. Kryeministri rrethohet nga lukse që harxhojnë energji sa 20 familje bashkë. Ka dhjetëra e mijëra familje që sot ndihen në nevojë dhe nuk kanë mundësi të ushqehen por i është ndërprerë edhe energjia elektrike. Asgjë nuk i kushton qeverisë të zeronte faturën e energjisë elektrike, të ujit të pijshëm për familjet në nevojë. Por askush nuk mendoi për ta, se jetojnë në realitete komplet të ndryshme. Sot qytetarët duhej të kishin një çek në dorë për çdo shqiptarë mbi 18 vjeç dhe jo pako ushqimore.

Ne jemi një vend me më shumë potencial dhe duhet t'i vijmë në ndihmë qytetarëve. Një ndihmë e madhe sot duhet të jepet biznesit të vogël dhe të mesëm. Ndihma që jep qeveria me keqardhje nuk kalon as pragun e varfërisë. nëse do kishim një realitet ndryshe, ne qeveria, ky kuvend nuk do miratonte që paketa ushqimore të tenderohen nga një firmë maqedonase dhe të mos i jepet tregut shqiptarë dhe fermerëve shqiptarë që po falimentojmë. Ne nuk do vazhdonim të paguanim këstet e larta të koncesionit, si të sterilizimit që vazhdon i paguan qeveria, por do i ndalonte menjëherë.

Kryeministri iu kërcënon çdo ditë me burgosje. Ky është turpi më i madh që një i sëmurë që del jashtë të kërcënohet me burgosje. Ndërkohë që gjithë bota këshillon që qytetarëve duhet t'i jepen më shumë shpresë, fjalë të mira, pozitivitet, ky kryeministër për një javë ka përdorur fjalën burg 674 herë. Ka ardhur koha të fusim në burg pushtetarët që kanë abuzuar që i kanë zhvatur qytetarët nga pasuria kombëtare.


Lajmi kryesor:

Seancë historike! Deputetët me maska, në rresht e ulur në lozha, qeveri-opozitë votojnë masat mbi COVID, vetëm Hajdari kundër ndryshimit të Kodit Penal


G.M./B.K./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46