Hakmarrje për konfliktet e nipërve? Ja pista ku po hetohet vrasja e pronarit të servisit në Shkodër

Report Tv ka zbardhur detaje të reja nga krimi i mbrëmjes së kaluar në Shkodër, ku u ekzekutua me plumb në kokë 60-vjeçari Mehdi Kavaja. Burime nga grupi hetimor bëjnë me dije për Report Tv se dyshohet që pronari i servisit të automjeteve të jetë vrarë për shkak të hakmarrjes.

Gazetari i Report Tv në Shkodër, Ergys Kavaja, theksoi se hakmarrja është pista kryesore ku po heton policia, ku dyshohet se kanë qenë nipat e viktimës që janë përfshirë në një ngjarje kriminale të mëparshme.

Grupi hetimor i Policisë së Shkodrës ka marrë në pyetje familjarët e viktimës, ndërsa ka shtrirë hetimet edhe te të afërmit e 60-vjeçarit, për të zbardhur konfliktet e së shkuarës, ku dyshohet të jenë përfshirë pikërisht nipat e Kavajës.

Ngjarja e rëndë dyshohet të jetë kryer nga një vrasës me pagesë, pasi policia nuk ka gjetur asnjë gjurmë në vendin e krimit. 60-vjeçari Kavaja u ekzekutua mbrëmjen e kaluar në banesën e tij me plumb në kokë, ndërsa policia vijon të mbledhë gjithë të dhënat për të mbërritur në gjurmët e autorit, që ka qëlluar pronarin e servisit.

TAG:
• vrasje ne shkoder
• Mehdi Kavaja

Sondazhi i ditës:

A ka politika frikë nga SPAK-u?

• Po

  68.3%

• Jo

  27.4%

• Nuk e di

  4.3%

Vota total: 1516

• Sondazhi i ditës:

  A ka politika frikë nga SPAK-u?

  Po Jo Nuk e di